'ఆదిపురుష్‌'లో కృష్ణంరాజు కీలక పాత్ర... సంగీత దర్శకుడిగా కీరవాణి

ప్రభాస్ హీరోగా బాలీవుడ్ దర్శకుడు ఓం రౌత్ తెరకెక్కించనున్న చిత్రం "ఆదిపురుష్". భారీ బడ్జెట్‌తో పాన్ ఇండియా మూవీగా ఇది తెరకెక్కనుంది. ఈ ప్రాజెక్టు ప్రకటించినప్పటి నుంచి ఏదో ఒక వార్త మీడియాలో చక్కర్లు కొడుతూనేవుంది. 

హీరోయిన్ల విషయంలో నిన్నమొన్నటి వరకు వార్తలలో నిలిచిన ఈ చిత్రం.. ఇప్పుడు ప్రభాస్‌ పెదనాన్న కృష్ణంరాజు ఈ చిత్రంలో కీలకపాత్ర పోషిస్తున్నాడనే వార్తతో పాటు మరో సంచలన విషయంలో కూడా ట్రెండింగ్‌ అవుతోంది. పౌరాణిక చిత్రంగా రూపొందుతున్న ఈ చిత్రంలో కృష్ణంరాజు చేసే పాత్ర ఏమిటనేది బయటికి రాలేదు కానీ.. కీలక పాత్ర అంటూ వార్తలు స్టార్టయ్యాయి. పౌరాణిక పాత్రలు కృష్ణంరాజుకి కొత్తేమీ కాదు. కాకపోతే ఈ వార్తలో ఎంత నిజం ఉందనేదే తెలియాల్సి ఉంది.

అదేవిధంగా ఈ చిత్రానికి మ్యూజిక్‌ డైరెక్టర్‌గా టాప్ మ్యూజిక్‌ డైరెక్టర్‌ని సెట్‌ చేయాలని ఓంరౌత్‌ చూస్తున్నాడట. ఆ మ్యూజిక్‌ డైరెక్టర్స్ లిస్ట్‌లో ఏఆర్‌ రెహమాన్‌తో పాటు 'బాహుబలి' మ్యూజిక్‌ డైరెక్టర్‌ ఎమ్‌.ఎమ్‌. కీరవాణి పేరు కూడా పరిశీలనలో ఉన్నట్లుగా వార్తలు హల్‌చల్‌ చేస్తున్నాయి. ఫైనల్‌గా ఈ చిత్రానికి ఏ మ్యూజిక్‌ డైరెక్టర్‌ వర్క్ చేస్తారో తెలియదు కానీ.. కీరవాణి పేరు ఈ చిత్రానికి వినిపిస్తుండటంతో ఆయనే ఫైనల్‌ అవ్వాలని ప్రభాస్‌ ఫ్యాన్స్‌ కూడా కోరుతూ సోషల్‌ మీడియాలో పోస్ట్‌లు చేస్తున్నారు.

అలాగే, ఈ చిత్రంలో ప్రభాస్ సరసన సైఫ్ అలీ ఖాన్ విలన్‌గా చేస్తున్నాడంటూ చిత్రయూనిట్‌ అఫీషియల్‌గా ప్రకటించింది. ఆ తర్వాత హీరోయిన్‌ విషయంలో ముగ్గురు హీరోయిన్ల పేరు వినిపించింది. ఇప్పుడు తాజాగా అనుష్క శర్మ పేరు తెరపైకి వచ్చింది. అనుష్క శర్మ గురించి వార్తలు నడుస్తున్నాయో లేదో.. ఇప్పుడు మరో గాసిప్ సోషల్‌ మీడియాని ఉక్కిరిబిక్కిరి చేస్తోంది.