ఇప్పుడు టాలీవుడ్లో ఎక్కువగా చర్చలో ఉన్న టాపిక్ ఇదే. ప్రభాస్ డైరెక్టుగా నటిస్తున్న హిందీ చిత్రం ఆదిపురుష్ సినిమాకు సంబంధించి గత కొన్ని రోజులుగా మీడియాలో కూడా ఇదే టాపిక్. సీత పాత్రలో మొదట్లో కీర్తి సురేశ్, తర్వాత కియారా అద్వానీ, ఆ తర్వాత ఊర్వశీ రౌటేలా.. ఇలా పలువురి పేర్లు వినిపించాయి.
ఇప్పుడు తాజాగా అనుష్క శర్మ పేరు వినబడుతుంది. ఓం రౌత్ దర్శకత్వంలో రామాయణం ఆధారంగా రూపొందించే ఈ చిత్రంలో ప్రభాస్ రాముడిగా, సైఫ్ అలీఖాన్ రావణాసురుడిగా నటిస్తున్నారు. అయితే సీత పాత్ర విషయంలో రకరకాల పేర్లు వినిపిస్తున్నాయి. ఈ క్రమంలో తాజాగా అనుష్క శర్మ దాదాపు ఖరారైందని అంటున్నారు.
బాలీవుడ్ మీడియా కూడా దాదాపు ఇదే నిజమని అంటోంది. అనుష్క ఇటీవల దర్శకుడు ఓం రౌత్ కలిసి కథ, ఆమె పాత్ర గురించి వివరించి చెప్పాడని, ఆమె అందుకు హ్యాపీగా ఒప్పుకుందని అంటున్నారు. అయితే అనుష్క ఇప్పుడు ప్రెగ్నెంట్ కదా ఆమె ఎలా ఒప్పుకొని ఉంటుందనే సందేహం మనకు రావడం సహజం. అది నిజమే. అనుష్కకు జనవరిలో డెలివరీ అవుతుంది. ఈ విషయాన్ని ఇప్పటికే కోహ్లీ ప్రకటించాడు.
ఆదిపురుష్ సినిమా షూటింగ్ కూడా జనవరిలోనే మొదలవుతుంది. ముందుగా ప్రభాస్ ఇతర తారాగణంపై సన్నివేశాల భాగాన్ని పూర్తిచేస్తాడు. డెలివరీ అయిన రెండు నెలల తర్వాత తను షూటింగ్ రెడీ అయిపోతానని అనుష్క చెప్పిందట. అనుష్క కూడా పొడగరే కాబట్టి ప్రభాస్ పక్కన సరిగ్గా సూటవుతుందని చెప్పవచ్చు.
