ప్రాంతీయ సినిమాల్లో తన అద్భుతమైన నటనకు పేరుగాంచిన సౌత్ ఇండియన్ స్టార్ కీర్తి సురేష్ బేబీ జాన్ చిత్రంతో బాలీవుడ్‌లోకి అడుగుపెట్టింది. ఈ సినిమా తమిళంలో ఘనవిజయం సాధించిన థెరికి హిందీ రీమేక్. ఈ చిత్రంలో తన పాత్ర గురించి కీర్తి మాట్లాడుతూ, తన కాస్టింగ్‌లో కీలక పాత్ర పోషించింది సమంత అని వెల్లడించింది.
థెరిని హిందీలో రీమేక్ చేయాలని చిత్రనిర్మాతలు నిర్ణయించుకున్నప్పుడు, ఆ పాత్ర కోసం సమంత తన పేరును సిఫారసు చేసిందని కీర్తి వెల్లడించింది.
ఇంకా కీర్తి తన కృతజ్ఞతలు తెలియజేస్తూ, "తమిళ వెర్షన్‌లో సమంత పోషించిన పాత్రను పోషించడం చాలా థ్రిల్‌గా ఉంది. సమంత నా పేరును సూచించినప్పుడు, నేను మొదట భయపడ్డాను, కానీ నాకు సమంత నుంచి విపరీతమైన మద్దతు ఇచ్చింది." అని కీర్తి సురేష్ తెలిపింది. వరుణ్ ధావన్, కీర్తి సురేష్, జాకీ ష్రాఫ్, వామికా గబ్బి కీలక పాత్రల్లో నటించిన బేబీ జాన్ చిత్రం ఈ నెల 25న విడుదలైంది.