కేసీఆర్ బయోపిక్ ప్రారంభం.. ఆ రోల్లో ప్రకాష్ రాజా? నాజరా?
బాలీవుడ్ తరహాలో ప్రస్తుతం టాలీవుడ్‌లో బయోపిక్‌ల హవా నడుస్తోంది. మహానటి హిట్ కొట్టాక, మహానటుడు నందమూరి తారక రామారావు బయోపిక్ షూటింగ్ శరవేగంగా జరుగుతోంది. మరోవైపు దివంగత ముఖ్యమంత్రి వైఎస్సార్ జీవిత కథ ఆ
బాలీవుడ్ తరహాలో ప్రస్తుతం టాలీవుడ్‌లో బయోపిక్‌ల హవా నడుస్తోంది. మహానటి హిట్ కొట్టాక, మహానటుడు నందమూరి తారక రామారావు బయోపిక్ షూటింగ్ శరవేగంగా జరుగుతోంది. మరోవైపు దివంగత ముఖ్యమంత్రి వైఎస్సార్ జీవిత కథ ఆధారంగానూ ఓ సినిమా రూపుదిద్దుకుంటోంది.
ఎన్టీఆర్ బయోపిక్‌కు క్రిష్ దర్శకత్వం వహించనుండగా, బాలకృష్ణ టైటిల్ రోల్లో మెరవనున్నారు. అటు దిగవంతనేత వైఎస్ రాజశేఖర్‌ రెడ్డి జీవితం ఆధారంగా యాత్ర సినిమా ప్రారంభమైంది. ఇందులో మలయాళ సూపర్ స్టార్ మమ్ముట్టి వైఎస్సార్‌గా నటిస్తున్నారు.
ఈ నేపథ్యంలో తాజాగా మరో రాజకీయ నాయకుడి జీవిత కథ వెండితెరకెక్కేందుకు సిద్ధమవుతోంది. తెలంగాణ తొలి ముఖ్యమంత్రి, ఉద్యమ సారథి కల్వకుంట్ల చంద్రశేఖర్ రావు బయోపిక్ గురువారం(జూన్ 28) లాంఛనంగా ప్రారంభమైంది. అన్నపూర్ణ స్టూడియోస్‌లో ఈ సినిమా పూజా కార్యక్రమం జరిగింది. త్వరలో ఈ సినిమా సెట్స్‌పైకి రానుంది.
మొదట్లో కేసీఆర్ పాత్రలో ప్రకాష్ రాజ్ నటిస్తారని ప్రచారం జరిగినా, చివరకి విలక్షణ నటుడు నాజర్‌ని ఫైనల్ చేశారట. ''ఉద్యమ సింహం'' అనే పవర్ ఫుల్ టైటిల్‌తో ఈ చిత్రాన్ని కృష్ణం రాజు తెరకెక్కించనున్నారు. కల్వకుంట్ల నాగేశ్వర్ రావు నిర్మాణ సారథ్యం వహించనున్నారు. తెలంగాణ సాధన కోసం దీక్షను ప్రారంభించిన నవంబర్‌ 29న ఈ చిత్రాన్ని విడుదల చేస్తారని టాక్ వస్తోంది.