కార్తీ - ర‌కుల్‌ల దేవ్ ప్రి-రిలీజ్ ఈవెంట్..!

యువ హీరో కార్తీ తాజా చిత్రం దేవ్. డిఫ‌రెంట్ కాన్సెప్ట్‌తో రూపొందుతోన్న ఈ సినిమాలో కార్తీ, ర‌కుల్ జంట‌గా న‌టించారు. తన పాత్ర విషయంలో కార్తీ ఎన్నో జాగ్రత్తలు తీసుకుంటాడు. అలా ఆయన ఎంతో శ్రద్ధ పెట్టి దేవ్ సినిమా చేశాడు. రజత్ రవిశంకర్ ఈ చిత్రానికి దర్శకత్వం వహించారు. ప్రకాష్ రాజ్, రమ్యకృష్ణ పవర్‌ఫుల్ రోల్స్‌లో నటించ‌గా, నిక్కీ గల్రాని మరో కథానాయికగా నటించింది. ఈ నెల 14వ తేదీన భారీస్థాయిలో విడుదల చేసేందుకు ఏర్పాట్లు చేస్తున్నారు.

ఇక అస‌లు విష‌యానికి వ‌స్తే... ఈ సినిమా ప్రీ రిలీజ్ ఈవెంట్‌ను ఈ నెల 10వ తేదీన, హైదరాబాద్ - అన్నపూర్ణ సెవెన్ ఏకర్స్‌లో జరపాలని నిర్ణయించుకున్నారు. అయితే.. కొన్ని కారణాల వలన ఒక రోజు ముందుగానే ఈ వేడుకని నిర్వహించనున్నారు. డేట్ మారింది కానీ.. వేదిక విషయంలోను.. సమయం విషయంలోను ఎలాంటి మార్పు లేదు. 9వ తేదీన ఈ వేడుకను జరపనున్నట్టుగా తాజాగా తెలియజేశారు. ఈ సినిమా కార్తికి ఎలాంది విజ‌యాన్ని అందిస్తుందో..?