కన్నడ స్టార్ హీరో పునీత్ రాజ్‌కుమార్‌కు గుండెపోటు వచ్చింది. ఆయన జిమ్‌లో కసరత్తులు చేస్తుండగా, గుండెపోటు రావడంతో హుటాహుటిన బెంగుళూరులోని విక్రమ్ హాస్పిటల్‌కు తరలించారు. ప్రస్తుతం ఆయన ఆరోగ్య పరిస్థితి విషమంగా ఉన్నట్టు సమాచారం. మరికొందరు అయితే ఆయన చనిపోయారంటూ సోషల్ మీడియాలో కామెంట్స్ చేస్తున్నారు.
ఇదిలావుంటే, కన్నడ లెజెండరీ యాక్టర్ రాజ్ కుమార్ తనయుడుగా శాండల్‌వుడ్‌లోకి ఎంట్రీ ఇచ్చిన పునీత్ రాజ్‌కుమార్ త‌న టాలెంట్‌తో ప‌వ‌ర్ స్టార్ అని పిలిపించుకుంటున్నారు. పునీత్ మంచి డ్యాన్స‌ర్ కూడా కావ‌డంతో ఆయనకు విప‌రీత‌మైన ఫ్యాన్ ఫాలోయింగ్ ఉంది. తాజాగా ఆయన అస్వ‌స్థ‌త‌కు గుర‌య్యారు.
పునీత్ రాజ్ కుమార్ జిమ్‌లో వ్యాయమం చేస్తున్న సమయంలో ఛాతీలో నొప్పిగా ఉందని తెలపడంతో ఆయన్ను బెంగుళూరులోని విక్రమ్ ఆసుపత్రికి తరలించారు. పునీత్ రాజ్ కుమార్ ఆరోగ్యం మరింత విషమించడంతో ఐసీయూలో చికిత్స అందిస్తున్నట్లుగా తెలుస్తోంది. ఇప్పటికే ఆయనకు ఈసీజీ పరీక్షలు నిర్వహించారు. ఆయన ఆరోగ్యంపై అభిమానులు ఆందోళ‌న చెందుతున్నారు.