'ముందు నుయ్యి… వెనుక గొయ్యి' .. ఇదీ మెగా బ్రదర్ నాగబాబు పరిస్థితి
మెగా సోదరుల్లో నాగబాబు ఒకరు. ఈయన పరిస్థితి ఇపుడు 'ముందు నుయ్యి… వెనుక గొయ్యి'లా తయారైంది. ఎందుకంటే, వాళ్ళూ వీళ్ళు వాదులాడుకొని తనను ఇరుకున పెట్టేస్తున్నారంటూ తన సన్నిహితుల వద్ద వాపోతున్నారట. దీనికి కా
మెగా సోదరుల్లో నాగబాబు ఒకరు. ఈయన పరిస్థితి ఇపుడు 'ముందు నుయ్యి… వెనుక గొయ్యి'లా తయారైంది. ఎందుకంటే, వాళ్ళూ వీళ్ళు వాదులాడుకొని తనను ఇరుకున పెట్టేస్తున్నారంటూ తన సన్నిహితుల వద్ద వాపోతున్నారట. దీనికి కారణం లేకపోలేదు.
ఇటీవల ఓ తెలుగు చానెల్ వారసత్వ రాజకీయాలపై చర్చా కార్యక్రమం నిర్వహించింది. ఇందులో పవన్ వీరాభిమాని, నిర్మాత, నటుడు బండ్ల గణేశ్, వైకాపా ఎమ్మెల్యే, సినీ నటి రోజా పాల్గొన్నారు. వీరిద్దరూ వాగ్వివాదానికి దిగారు. అసభ్య పదజాలంతో ఒకరిని ఒకరు దూషించుకున్నారు. పనిలో పనిగా పవన్ కళ్యాణ్‌పైనా రోజా విమర్శలు గుప్పించారు. ఈ తిట్ల పురాణానికి సంబంధించిన వీడియోలు సోషల్ మీడియాలోనూ వైరల్ అయ్యాయి. ఫలితంగా అది చినికి చినికి గాలీవానగా మారిపోయింది.
దీంతో పవన్ అభిమానులు రోజాపై మండిపడుతూ, ఒంటికాలిపై లేస్తున్నారు. అంతేకాదు ఆమెతో కలసి నాగబాబు ‘జబర్దస్త్’ ప్రోగ్రామ్‌లో పాల్గొనకూడదని ఒత్తిడి చేస్తున్నారట. దీంతో ఏం చేయాలో దిక్కుతోచని స్థితిలో మెగా బ్రదర్ ఉన్నారు. ఇదే అంశంపై తన సన్నిహితల వద్ద ఆయన వాపోయినట్టు సమాచారం.
నిజానికి నాగబాబు క్యారెక్టర్ ఆర్టిస్టుగా రాణిస్తూనే, ‘జబర్దస్త్’ ప్రోగ్రామ్‌తో ప్రేక్షకులకు మరింత దగ్గరయ్యారు. ఈ కార్యక్రమాన్ని నటి రోజాతో కలసి చేస్తున్నారు. పైగా, టీఆర్పీలో ఇది రేటింగ్‌లో ఉంది. ఆ మధ్య రోజా కొన్ని ఎపిసోడ్స్‌కు డుమ్మా కొట్టినా… నాగబాబు మాత్రం కొనసాగుతూనే ఉన్నాడు. ఇప్పుడు పవన్ అభిమానుల కోరిక మేరకు నాగబాబు ఆ ప్రోగ్రామ్ నుండీ తప్పుకుంటాడా? లేదా అనే సందేహం వ్యక్తం అవుతోంది.