ప్రశాంత్‌, మహిధర్‌, ఇషిత, లలిత హీరోహీరోయిన్లుగా కె.వెంకటేష్ దర్శకత్వంలో బేబీ అముక్త సమర్పణలో లక్ష్మీ ప్రసాద్‌ ప్రొడక్షన్స్‌ బ్యానర్‌పై ప్రశ్నాథ్‌ నిర్మిస్తున్న చిత్రం 'ఇప్పట్లో రాముడిలా సీతలా ఎవరుంటారండీ బాబు'. సెన్సార్ పూర్తి చేసుకున్న ఈ చిత్రం విడుదలకు సిద్ధమవుతోంది.
యువ ప్రేక్షకులే లక్ష్యంగా ఈ సినిమాను తీర్చిదిద్దారు. ఇటీవలే సెన్సార్‌బోర్డు నుంచి 'ఎ' సర్టిఫికేట్ అందుకుందీ చిత్రం. త్వరలోనే ఈ చిత్రాన్ని ప్రేక్షకుల ముందుకు తీసుకురానున్నారు. ఈ సినిమా ఓ రొమాంటిక్ కామెడీ థ్రిల్లర్‌గా తెరకెక్కనుందని దర్శకుడు వెంకటేష్ తెలిపారు. చాలాకాలం పాటు విడుదలకు నోచుకోలేని ఈ సినిమా త్వరలో ప్రేక్షకులను అలరిస్తుందని.. ఇప్పటికే పాటలకు మంచి రెస్పాన్స్ వచ్చిందని వెంకటేష్ వెల్లడించారు.
అయితే ఇదో అడల్ట్ మూవీ అంటూ టాలీవుడ్‌లో చర్చ సాగుతోంది. ఈ సినిమాలో రొమాన్స్‌ను పండించే సీన్లు పిచ్చ పిచ్చగా ఉన్నాయని టాలీవుడ్ జనం అంటున్నారు. సెన్సార్ ఈ సినిమాకు ఎ సర్టిఫికేట్ ఇచ్చిందంటూ కూడా టాక్ వస్తోంది.