పెళ్లికి తర్వాత నమిత సినిమాలకు దూరం కాదు: వీరేంద్ర చౌదరి

తిరుపతిలో ప్రముఖ హీరోయిన్ నమిత వివాహం ఘనంగా జరిగింది. హీరో, నిర్మాత వీరేంద్ర చౌదరిని నమిత వివాహం చేసుకున్నారు. ఇస్కాన్ ఆలయంలో జరిగిన వివాహంలో తమిళ, తెలుగు, కన్నడ పరిశ్రమలకు చెందిన సినీప్రముఖులు హాజరయ్

తిరుపతిలో ప్రముఖ హీరోయిన్ నమిత వివాహం ఘనంగా జరిగింది. హీరో, నిర్మాత వీరేంద్ర చౌదరిని నమిత వివాహం చేసుకున్నారు. ఇస్కాన్ ఆలయంలో జరిగిన వివాహంలో తమిళ, తెలుగు, కన్నడ పరిశ్రమలకు చెందిన సినీప్రముఖులు హాజరయ్యారు. నమిత, వీరేంద్ర చౌదరికి తమిళ బిగ్ బాస్ లో పరిచయమైంది. పరిచయం కాస్త ప్రేమ చివరకు వివాహానికి దారితీసింది. ఈనెల 22వతేదీన తిరుపతిలో వివాహ లైట్ మ్యూజిక్ కార్యక్రమం జరిగింది.

ఈరోజు ఉదయం ఇస్కాన్ ఆలయంలో వీరేంద్ర చౌదరి, నమితలు వివాహం చేసుకున్నారు. ప్రముఖ నటులు రాధికా, శరత్ కుమార్ తో పాటు పలువురు సినీప్రముఖులు వివాహానికి హాజరయ్యారు. వివాహం అనంతరం మీడియాతో నూతన వధూవరులు మాట్లాడారు. 

వీరేంద్ర చౌదరిని ప్రేమించి పెళ్ళి చేసుకోవడం ఎంతో సంతోషంగా ఉందన్నారు ప్రముఖ నటి నమిత. నన్ను బాగా అర్థం చేసుకున్న వీరేంద్ర చౌదరిని పెళ్ళి చేసుకోవాలని నెల ముందే నిర్ణయించుకున్నాను. కుటుంబ సభ్యులు అందుకు ఒప్పుకున్నారు. తిరుపతి లాంటి ఆధ్మాత్మిక ప్రాంతంలో పెళ్ళి చేసుకోవడం మరింత సంతోషంగా ఉందన్నారు నమిత. మా వివాహం జరిగిన తరువాత కూడా నమిత సినిమాల్లో నటించవచ్చని, ఆమె ఇష్టానికి నేనెప్పుడు అడ్డురానన్నారు నటుడు, నిర్మాత వీరేంద్ర చౌదరి.