Webdunia - Bharat's app for daily news and videos

Install App

పిల్లలు గొలుసులు కట్టి `హౌస్ అరెస్ట్` చేస్తే!

Webdunia
సోమవారం, 15 ఫిబ్రవరి 2021 (17:39 IST)
Saptagiri, Allari Ravi babu, House Arrest
నిఖార్సైన వినోదానికి సరైన నిర్వచనం కరువవుతున్న తరుణంలో అన్ని వర్గాలను అందులోనూ పిల్లలను అలరించే సినిమాలు గత పదిహేనేళ్లలో ఎన్ని వచ్చాయో చెప్పమంటే ఎవరైనా గుటకలు మింగడం ఖాయం. హాలీవుడ్ నుంచి వచ్చే ఎవెంజర్స్ లాంటి సూపర్ హీరోల మూవీస్ తప్ప తెలుగులోనూ తమను మెప్పించే చిత్రాలు వస్తాయని నమ్మే పిల్లలు ఎందరున్నారు. ఆ నమ్మకం తప్పని ఋజువు చేసేందుకు వస్తున్న హోల్ ఫ్యామిలీ ఎంటర్ టైనర్ 'హౌస్ అరెస్ట్'. ఫస్ట్ లుక్ పోస్టర్ విడుదల సందర్భంగా తమ సినిమాలో ఏం ఇవ్వబోతున్నామో టీమ్ చాలా స్పష్టంగా చెప్పింది. ఓ నమ్మకాన్ని ఏర్పరిచింది.
 
ప్రేక్షకులు మెచ్చేలా వినోదాన్ని అందిస్తే చాలు ఆదరిస్తారని నమ్మే దర్శకులు శేఖర్ రెడ్డి ఎర్ర. తన మొదటి సినిమా 90ఎంఎల్ ని ఈ సూత్రాన్నే ఆధారంగా చేసుకుని తీర్చిదిద్దిన తీరు క్లాసు మాసు అందరినీ మెప్పించింది. అయితే ఈసారి యూత్ అనో లేదా ఇంకో ప్రత్యేకమైన జానర్ అనో లెక్కలు వేసుకోకుండా పిల్లలతో పాటుగా పెద్దలు సైతం నవ్వుకునేలా చక్కని వినోదాత్మక చిత్రాన్ని అందిస్తే ఎలా ఉంటుందన్న ఆలోచనే హౌస్ అరెస్ట్ కి శ్రీకారం చుట్టేలా చేసింది. సంగీత సంచలనం అనూప్ రూబెన్స్ స్వరకల్పనలో స్టార్లను కాకుండా కేవలం ఆర్టిస్టులను నమ్ముకుని చేసిన సినిమా హౌస్ అరెస్ట్
 
ఫస్ట్ లుక్ మోషన్ పోస్టర్ ని తీర్చిదిద్దిన తీరు ఆసక్తి గొలిపేలా ఉంది. అయిదుగురు మన ఇంట్లోనో లేదా చుట్టుపక్కల్లో చూసినట్టు ఉండే పిల్లలు, కాదు కాదు చిచ్ఛర పిడుగులు, వాళ్ళ చేత చిక్కిన ఓ దుండగుల బ్యాచ్. అసలు ఈ రెండు గ్యాంగుల మధ్య ఈ పరిస్థితి ఎందుకు వచ్చింది, సూపర్ కిడ్స్ ని ఏం చేయాలనే ఆలోచనతో వాళ్ళు వచ్చారు, పిల్లలు గొలుసులు కట్టి మరీ వాళ్ళను ఆడించేలా జరిగిన అల్లరి ఏమిటి లాంటి ప్రశ్నలకు సమాధానం తెలియాలంటే అతి త్వరలో హౌస్ అరెస్ట్ విడుదలయ్యే దాకా ఆగాల్సిందే. ఇది కదా మేం చూడాలుకుంటున్న సినిమాలు అని ఫీలింగ్ కలిగేలా మోషన్ పోస్టర్ ని తీర్చిద్దిన విధానం అభినందనీయం.
 
శ్రీ‌నివాస‌రెడ్డి, స‌ప్త‌గిరి, అల్ల‌రి ర‌వి బాబు, అదుర్స్ ర‌ఘు, ర‌విప్ర‌కాష్‌, తాగుబోతు ర‌మేష్‌, కౌశిక్ త‌దిత‌రులు న‌టించిన ఈ చిత్రానికి కెమెరాః జె. యువ‌రాజ్‌, పాట‌లుః చంద్ర‌బోస్‌, నిర్మాతః కె. నిరంజ‌న్ రెడ్డి. 

సంబంధిత వార్తలు

2024 టీడీపి నో మోర్, జనసేన పరార్, రోజా ఇలా అనేశారేంది రాజా? (video)

మాజీ సీఎం జగన్ తాడేపల్లి ఇంటి ముందు రోడ్డు ద్వారా Live View (video) చూసేద్దాం రండి

వామ్మో ఎండలు... అధిక ఉష్ణోగ్రత దెబ్బకు ఆగిపోయిన విమానం!!

జగన్‌పై క్రిమినల్ చర్యలు తీసుకోవాలి : బ్రాహ్మణ వేదిక నేత ఫిర్యాదు

జగన్ అభిమాన పోలీసులకు హోం మంత్రి అనిత స్ట్రాంగ్ వార్నింగ్!!

అసిడిటీ తగ్గించుకోవడానికి అద్భుతమైన చిట్కాలు

మీరు తెలుసుకోవలసిన ప్రతి సాధారణ వాస్కులర్ ప్రొసీజర్‌లు, శస్త్రచికిత్సల గురించి

కిడ్నీలు చెడిపోతున్నాయని తెలిపే సంకేతాలు ఇలా వుంటాయి

దోరగా వేయించిన ఉల్లిపాయలు తినడం వల్ల లాభాలు ఏమిటి?

నువ్వుల నూనెతో శరీర మర్దన చేస్తే ఆరోగ్యమేనా?

తర్వాతి కథనం
Show comments