ప్రేమా లేదు దోమా లేదు... ఎవరైనా ఉంటే చెప్పండి : సోనాక్షి

బాలీవుడ్ భామ సోనాక్షి సిన్హా పెళ్లి గురించి చాలా కాలంగా వినిపిస్తోంది. నటుడు జహీర్‌ ఇక్బాల్‌తో ఆమె ప్రేమలో ఉన్నట్టు పుకార్లు షికారు చేస్తున్నాయి. ఇలాంటి వార్తలు బాలీవుడ్‌లో వినిపించడం మామూలే కాబట్టి వాళ్ళు కూడా తేలిగ్గా తీసుకుంటారు. అందుకే తన ప్రేమ వార్తలు నిజం కాదని సోనాక్షి స్పష్టం చేసింది. అంతేకాదు మంచి అబ్బాయి ఉంటే చెప్పండి, నచ్చితే పెళ్లి చేసుకుంటాను అని నవ్వుతూ అంటోంది. 

అయితే ఈ విషయాన్ని చెప్పడం సినిమా  ప్రచారంలో భాగమే అంటున్నారు…. సోనాక్షి నటించిన తాజా చిత్రం కళంక్‌ త్వరలో ప్రేక్షకుల ముందుకురానుంది. ఈ సినిమా ప్రచారంలో భాగంగా ఒక టీవీ రియాలిటీ షోలో పాల్గొంది. అక్కడ వ్యాఖ్యతగా ఉన్న శిల్పాశెట్టి మాట్లాడుతూ సోనాక్షి ప్రేమ వ్యవహారాల గురించి అడిగింది.

దీనికి సోనాక్షి స్పందిస్తూ నేను ఒంటరిగానే ఉన్నాను అని చెప్తూ మంచి వ్యక్తి దొరికితే పెళ్లి చేసుకుంటాను అని కూడా చెప్పింది. తనను చేసుకోబోయేవాడు తన వ్యక్తిగత జీవితంలో తలదూర్చకూడదని ఒక కండీషన్‌ కూడా పెట్టింది. అలాగే తనపై అజమాయిషీ కూడా చేయకూడదని షరతు విధించింది.