బాలీవుడ్ సీనియర్ నటి షమ్మి ఇకలేరు. ఆమె వయసు 89 యేళ్లు. ఈ విషయాన్ని షమ్మి మరణవార్తను ప్రముఖ ఫ్యాషన్ డిజైనర్ సందీప్ కోస్లా వెల్లడించారు.
హాస్యనటిగా షమ్మి మంచి పేరు తెచ్చుకున్నారు. 200కు పైగా సినిమాల్లో నటించారు. ఆమె నటించిన హమ్ సాత్ సాత్ హై, గోపీ కిషన్, హమ్, కూలీ నంబర్ 1 వంటి చిత్రాలు ఘన విజయం సాధించాయి. బుల్లితెరపై కూడా ఆమె చాలా షోస్‌లో నటించారు.
కాగా షమ్మి మృతిపై బాలీవుడ్ మెగాస్టార్ అమితాబ్ స్పందించారు. 'షమ్మి ఆంటీ చాలా మంచి నటి. మంచి మనసున్న వ్యక్తి. ఎన్నో ఏళ్లపాటు నటిగా రాణించారు. మాకు మంచి ఫ్యామిలీ ఫ్రెండ్. తిరిగిరాని లోకాలకు వెళ్లిపోయారు. ఆమె ఆత్మకు శాంతి చేకూరాలని భగవంతుడిని కోరుకుంటున్నా' అంటూ వ్యాఖ్యానించారు.