"అంజి" చిత్రం పూర్తికావడానికి చిరంజీవి గొప్పతనమే కారణం: కోడి రామకృష్ణ
మెగాస్టార్ చిరంజీవి, దర్శకుడు కోడి రామకృష్ణ దర్శకత్వంలో వచ్చిన చిత్రం "అంజి". ఈ చిత్రాన్ని భారీ బడ్జెట్‌తో నిర్మాత శ్యామ్ ప్రసాద్ రెడ్డి నిర్మించారు. ఈ చిత్రం షూటింగ్ పూర్తి చేసేందుకు ఐదేళ్ళ సమయం పట్ట
మెగాస్టార్ చిరంజీవి, దర్శకుడు కోడి రామకృష్ణ దర్శకత్వంలో వచ్చిన చిత్రం "అంజి". ఈ చిత్రాన్ని భారీ బడ్జెట్‌తో నిర్మాత శ్యామ్ ప్రసాద్ రెడ్డి నిర్మించారు. ఈ చిత్రం షూటింగ్ పూర్తి చేసేందుకు ఐదేళ్ళ సమయం పట్టింది. అమ్మోరు సూపర్ డూపర్ హిట్ కావడంతో ఆ తర్వాతి చిత్రాన్ని చిరంజీవితో తీయాలని కోడి రామకృష్ణ నిర్ణయించారు. ఇదే విషయాన్ని చిరంజీవికి చెప్పడంతో ఆయన సమ్మతించారు.
దీనిపై ఇపుడు కోడి రామకృష్ణ మాట్లాడుతూ, గ్రాఫిక్స్‌తో కూడిన సినిమా అంటే ఓ కొత్త ఆర్టిస్టులా మీరు కష్టపడవలసి ఉంటుందని అన్నాను. 'కొత్త ఆర్టిస్టుల ఎంత కష్టమైనా పడటానికి నేను సిద్ధం .. గ్రాఫిక్స్కి సంబంధించిన సినిమానే చేయండి' అన్నారాయన. ఈ సినిమాలో ఇంటర్వెల్‌లో వచ్చే సీన్‍ను నెల రోజుల పాటు చిత్రీకరించాం. ఎంతో ఓపికగా చిరంజీవిగారు చేశారు. అలా చాలా డబ్బు ఖర్చుపెడుతూ ఈ సినిమా చేయడానికి 5 సంవత్సరాలు పట్టింది.
ముఖ్యంగా, క్లైమాక్స్ సీన్ కోసం ఒక డ్రెస్‍ను చిరంజీవిగారు రెండు సంవత్సరాలు వేసుకున్నారు. గ్రాఫిక్స్కి సంబంధించిన సమస్యలు వస్తాయని ఆయన అలాగే ఆ డ్రెస్‍తో చేసేవారు. ముందుగా చెప్పినట్టు ఒక కొత్త ఆర్టిస్టు మాదిరిగానే కష్టపడ్డారు. ఇంతటి భారీ సినిమాను కొత్త హీరోయిన్‍తో చేయడానికి చిరంజీవి అంగీకరించడం మరో విశేషం. ఆ సినిమా పూర్తికావడానికి ఆయన గొప్పతనమే కారణమని చెప్పుకొచ్చారు.
