ఛాన్సుల కోసం హీరోయిన్లే నిర్మాతలను అర్థరాత్రి కలుస్తారు : ఏక్తా కపూర్
కాస్టింగ్ కౌచ్.. ఇటీవలి కాలంలో ఈ పదం పదేపదే వార్తల్లో కనిపిస్తోంది... వినిపిస్తోంది కూడా. అంటే.. చిత్రపరిశ్రమలో హీరోయిన్లు ఎదుర్కొన్న లైంగిక వేధింపులను ధైర్యంగా వెల్లడిస్తున్నారు.
కాస్టింగ్ కౌచ్.. ఇటీవలి కాలంలో ఈ పదం పదేపదే వార్తల్లో కనిపిస్తోంది... వినిపిస్తోంది కూడా. అంటే.. చిత్రపరిశ్రమలో హీరోయిన్లు ఎదుర్కొన్న లైంగిక వేధింపులను ధైర్యంగా వెల్లడిస్తున్నారు. దీంతో కాస్టింగ్ కౌచ్ చర్చ మొదలైంది. తాజాగా బాలీవుడ్ నిర్మాత ఏక్తా కపూర్ కాస్టింగ్ కౌచ్‌పై చేసిన వ్యాఖ్యలు ఇపుడు సంచలనం రేపుతున్నాయి.
తాజాగా ఓ పాపులర్ హిందీ టాక్ షోలో పాల్గొన్న ఏక్తా వద్ద కాస్టింగ్ కౌచ్ గురించి ప్రశ్నిస్తే, 'దీనికి నిర్మాతలనే ఎందుకు బాధ్యులను చేస్తున్నారు. చాలా మంది హీరోయిన్లు అవకాశాల కోసం తమంతట తామే నిర్మాతల దగ్గరకు వెళ్తారు. పవర్ పొజిషన్‌లో ఉన్నారు కదా అని నిర్మాతలను నిందించడం సరికాదు' అంటూ సమాధానమిచ్చారు. ఈ ఆన్సర్‌కు బాలీవుడ్ జనాలు అంతా షాక్ అయ్యారట.
'ఓ హీరోయిన్ కావాలనే అర్థరాత్రి నిర్మాతను కలసి, ఆ తర్వాత రోజు సినిమాలో అవకాశం ఇవ్వమంటే ఎవరిది తప్పు..? అతని సినిమాలో ఆమెకు సెట్ అయ్యే పాత్ర లేనప్పుడు ఎవరిని దోషిగా నిలబెట్టాలి' అంటూ నిలదీసింది. దీంతో బాలీవుడ్‌లో చాలా మంది హీరోయిన్లు ఈ లేడీ ప్రొడ్యూసర్‌పై ఫైర్ మండిపడుతున్నారు.
కాగా, గతంలో కాస్టింగ్ కౌచ్‌పై 'మీ టూ' హ్యాష్ ట్యాగ్‌తో హాలీవుడ్ నటీమణులు, బాలీవుడ్ నటీమణులు కంగనా రనౌత్, రాధికా ఆప్టే, కల్కి కొచ్లిన్, వరలక్ష్మి శరత్ కుమార్ వంటి వాళ్లు తమతో అసభ్యంగా ప్రవర్తించిన నిర్మాతలు, ఆ సంఘటనలపై గొంతెత్తిన విషయం తెల్సిందే. ఇలాంటి వారిలో బాలీవుడ్ హీరో రణ్‌‌వీర్ సింగ్ కూడా ఉండటం గమనార్హం.