ఉస్తాద్ రామ్ పోతినేని, పూరీ జగన్నాధ్, ఛార్మీ కౌర్, పూరీ కనెక్ట్ చేసిన క్రేజీ ఇండియన్ ప్రాజెక్ట్ డబుల్ ఇస్మార్ట్ కీలకమైన, సుదీర్ఘమైన షెడ్యూల్ ముంబైలో ప్రారంభించింది. ఇంతకు ముందు ఓ భారీ షెడ్యూల్ చిత్రీకరించి గ్యాప్ తీసుకున్నారు. నేడు మరలా తిరిగి ప్రారంభించారు. 2024లో అత్యంత క్రేజీ పాన్ ఇండియా ప్రాజెక్ట్‌లలో ఒకటైన ఈ సినిమా షూటింగ్ ఈరోజు ముంబైలో తిరిగి ప్రారంభమైంది.
ఈ సుదీర్ఘమైన మరియు కీలకమైన షెడ్యూల్‌లో, మేకర్స్ ప్రధాన తారాగణంతో కూడిన ముఖ్యమైన సన్నివేశాలను చిత్రీకరించనున్నారు. ముంబైలో జరిగే ఈ తాజా షెడ్యూల్‌తో సినిమా షూటింగ్‌లో ఎక్కువ భాగం పూర్తవుతుంది.
ఈసారి సీక్వెల్‌తో టీమ్ రెట్టింపు యాక్షన్, రెట్టింపు మాస్, రెట్టింపు వినోదానికి సిద్ధం చేస్తున్నట్లు పూరీతెలిపారు. సంజయ్ దత్ శక్తివంతమైన పాత్రలో కనిపించనున్న ఈ చిత్రం కోసం రామ్ పోతినేని స్టైలిష్ మేక్ఓవర్ చేయించుకున్నారు. మెలోడీ బ్రహ్మ మణి శర్మ డబుల్ ఇస్మార్ట్‌కు సంగీతం అందిస్తున్నారు. సినిమాటోగ్రఫీని శామ్ కె నాయుడు, జియాని జియానెలీ చేస్తున్నారు.
రామ్, పూరీల డెడ్లీ కాంబినేషన్‌లో డబుల్ ఇస్మార్ట్ చిత్రాన్ని పూరీ కనెక్ట్స్ బ్యానర్‌పై పూరి జగన్నాధ్ మరియు ఛార్మి కౌర్ నిర్మిస్తున్నారు. ఈ సినిమా తెలుగు, తమిళం, కన్నడ, మలయాళం, హిందీ భాషల్లో విడుదల కానుంది.