ప‌వ‌న్‌క‌ళ్యాణ్ న‌టించిన `వకీల్ సాబ్`కు అస్స‌లు టైటిల్ అదికాదు. హిందీ `పింక్‌` రీమేక్ అనే విష‌యం తెలిసిందే. ఈ చిత్ర క‌థ‌ను ద‌ర్శ‌కుడు వేణుశ్రీ‌రామ్‌కు న‌చ్చి పవన్ ద‌గ్గ‌ర‌కు వెళ్ళి చెప్పార‌ట. ఇందులో ఏమి చెప్పాల‌నుకుంటున్నావ‌ని అడిగార‌ట పవన్.
మ‌హిళా సాధికార‌త గురించి నేనే పాయింట్ టు పాయింట్ చెప్పాక త‌ప్ప‌క చేద్దామ‌న్నారు. అందుకే ఈ క‌థ‌కు త‌గిన‌ట్లుగా `మగువా మగువా లోకానికి తెలుసా నీ తెగువ` అనే పాట‌ను కూడా రిలీజ్ చేశాం.
అంతా అయ్యాక ఈ సినిమాకు `మగువా లోకానికి తెలుసా నీ విలువ` అని నేనే సూచించా. అది పెద్ద‌గా ఉండద‌నిపించింది. ఆ త‌ర్వాత `లాయర్ సాబ్` అని అనుకున్నారు. ఏదో లోపం వుంద‌నిపించింది. నేను తెలంగాణావాడిని. ఇక్క‌డ లాయ‌ర్‌ను.. వకీల్ అంటారు.
అందుకే వకీల్ సాబ్ అని మ‌రో పేరు చెప్పేస‌రికి అంద‌రికీ న‌చ్చింది. నిర్మాత దిల్‌రాజు, పవన్ క‌ళ్యాణ్ ఓకే అన్నారు. అలాగే పవర్ స్టార్ ఫ్యాన్స్‌ను డిజప్పాయింట్ చేయకుండా వకీల్ సాబ్ అని పెట్టుకున్నాం అని వేణుశ్రీ‌రామ్ తెలిపారు.