సహనటిని జుట్టు పట్టుకుని ఈడ్చుకెళ్లి.. గోడకేసి బాదాడు.. ఎవరంటే?

భోజ్‌పురి స్టార్ హీరో పవన్ సింగ్ మరోసారి వార్తల్లోకెక్కాడు. భోజ్‌పురి సూపర్ స్టార్, పలు సూపర్ హిట్ పాటలను పాడిన పవన్ సింగ్.. తాగిన మత్తులో సహనటిపై ప్రతాపం చూపాడు. ఆమె జుట్టు పట్టుకుని ఈడ్చుకెళ్లి.. సహ

భోజ్‌పురి స్టార్ హీరో పవన్ సింగ్ మరోసారి వార్తల్లోకెక్కాడు. భోజ్‌పురి సూపర్ స్టార్, పలు సూపర్ హిట్ పాటలను పాడిన పవన్ సింగ్.. తాగిన మత్తులో సహనటిపై ప్రతాపం చూపాడు. ఆమె జుట్టు పట్టుకుని ఈడ్చుకెళ్లి.. సహనటిని గోడకేసి బాదాడు. ఈ ఘటనలో బాధిత నటి గాయాలపాలైంది. ఈ ఘటన వివరాలను ప్రముఖ జర్నలిస్ట్ శశికాంత్ సింగ్ ఈ వ్యవహారాన్ని తన ఫేస్‌బుక్ ఖాతాలో వెల్లడించారు. 

వివరాల్లోకి వెళితే.. సిల్వస్సాలోని డామన్ గంగా లోయ రిసార్ట్‌లో ఈ ఘటన జరిగిందని.. రాత్రి 11.30 గంటల ప్రాంతంలో సహనటిపై పవన్ సింగ్ తన ప్రతాపం చూపాడని శశికాంత్ సింగ్ ఫేస్‌బుక్ ఖాతాలో తెలిపారు. ఫూటుగా తాగిన మైకంలో అతనితో కలిసి నటిస్తున్న టాప్ హీరోయిన్ అక్షర సింగ్‌ను పవన్ సింగ్ జుట్టుపట్టుకుని ఈడ్చుకెళ్లాడు. 

బూతులు తిట్టాడు. ఆమెను గోడకేసి బాదాడని శశికాంత్ తన ఫేస్‌బుక్ ఖాతాలో తెలియజేశారు. అడ్డుకునేందుకు ప్రయత్నించిన రిసార్ట్ సిబ్బందిపైన కూడా పవన్ సింగ్ దాడికి పాల్పడ్డానని శశికాంత్ సింగ్ చెప్పారు. పవన్-అక్షర డేటింగ్‌లో వున్నాయని గతంలో వార్తలొచ్చాయి. ఆపై పవన్ సింగ్ ఆమెను ప్రేయసిగా పరిచయం చేశాడు. కానీ ఇటీవల యూపీలోని బాలియాలో జ్యోతి సింగ్ అనే మరో యువతిని పవన్ సింగ్ పెళ్లాడాడు.