రాజమౌళి #RRR వర్సెస్ త్రివిక్రమ్ #TTT : టాలీవుడ్ దర్శకుల మధ్య పోటీ
దర్శకధీరుడు ఎస్.ఎస్. రాజమౌళి #RRR కాంబినేషన్‌లో ఓ చిత్రాన్ని నిర్మించనున్నారు. ఇపుడు మాటలమాంత్రికుడు త్రివిక్రమ్ #TTT కాంబినేషన్‌లో మర చిత్రాన్ని ప్లాన్ చేశారు.
దర్శకధీరుడు ఎస్.ఎస్. రాజమౌళి #RRR కాంబినేషన్‌లో ఓ చిత్రాన్ని నిర్మించనున్నారు. ఇపుడు మాటలమాంత్రికుడు త్రివిక్రమ్ #TTT కాంబినేషన్‌లో మర చిత్రాన్ని ప్లాన్ చేశారు. దీనికి సంబంధించిన న్యూస్‌ను ప్రముఖ సంగీత దర్శకుడు థమన్ తన ట్విట్టర్ ఖాతాలో వెల్లడించారు. ఇంతకీ #RRR, #TTT ల వెనుక ఉన్ మర్మమేంటో ఓసారి పరిశీలిద్ధాం.
ప్ర‌స్తుతం టాలీవుడ్‌లో రాజమౌళి, రామారావు, రామ్ చరణ్ అనేలా #RRR అంటూ అభిమానులలో ఆసక్తిని రేకెత్తించాడు. ఈ ముగ్గురి కాంబినేషన్‌లో ఓ చిత్రాన్ని తెరక్కించనున్నాడు. బాహుబలి ప్రాజెక్టు తర్వాత రాజమౌళి చేయనున్న ప్రాజెక్టు ఇది. దీంతో దీనిపై ప్రేక్షకుల్లో అమితాసక్తి నెలకొంది.
అలాగే, త్రివిక్రమ్ #TTT కాంబినేషన్‌లో ఓ చిత్రం తెరకెక్కనుంది. త్రివిక్రమ్, తారక్, థమన్ అనేది దీని అర్థం. వ‌రుస విజ‌యాల‌తో దూసుకుపోతున్న ఎన్టీఆర్ త్వ‌ర‌లో త్రివిక్ర‌మ్‌తో క‌లిసి క్రేజీప్రాజెక్ట్ చేయ‌నున్నాడు. ఇప్ప‌టికే ఈ సినిమా ప్రీ ప్రొడ‌క్ష‌న్ ప‌నులు పూర్తైన‌ట్టు తెలుస్తుండ‌గా, జిమ్‌ ట్రైనర్‌ స్టీవెన్స్ లాయిడ్ స‌మ‌క్షంలో ఎన్టీఆర్ తన మేకొవ‌ర్ పూర్తిగా మార్చుకున్నాడు.
గత ఏడాది ఈ మూవీ పూజా కార్యక్రమాలు జ‌రుపుకోగా, ఏప్రిల్ 12న చిత్రాన్ని సెట్స్ పైకి తీసుకెళుతున్నారు. ఎన్టీఆర్ సరసన పూజా హెగ్డే జత‌క‌ట్టనుంద‌నే టాక్ న‌డుస్తుంది. థమన్ చిత్రానికి సంగీతం అందించ‌నున్నాడు ఈ విషయాన్నే థమన్ తాజాగా తన ట్విట్ట‌ర్‌లో ఎన్టీఆర్, త్రివిక్ర‌మ్‌తో క‌లిసి దిగిన ఫోటో ద్వారా షేర్ చేస్తూ #TTT అని పోస్ట్ చేశాడు.
కాగా, భారీ బ‌డ్జెట్‌తో ప్రతిష్టాత్మకంగా రూపొంద‌నున్న ఈ చిత్రం హారిక అండ్ హాసిని క్రియేష‌న్స్ బేన‌ర్‌పై రూపొంద‌నుంది. తారక్ ఈ సినిమాలో కొత్త లుక్‌లో కనిపించబోతున్నారని టాక్.
