ఎన్.టి.ఆర్. నటిస్తున్న దేవర సినిమా ప్రచారం సోషల్ మీడియాలో ముమ్మరం చేస్తున్నారు. శత్రువు ఎంత ప్రమాదకరమో దేవర అంతకంటే ప్రమాదకరం.. అనే కాప్షన్ తో చిత్ర యూనిట్ కొటేషన్ పోస్ట్ చేసింది. సముద్రంలో రక్తపుతో నిండిన నీళ్ళలో దేవర ఆ పక్కనే ఓడ వున్న ఫొటోను పెట్టి శ్రతువు క్రూరుడు అయితే అంతకంటే క్రూరత్వంగా హీరో వుండాలనేలా వున్నట్లు హింట్ ఇచ్చారు.
అంతేకాకుండా, ఒకవేళ నువ్వు బ్రతికేవుంటే మరణం కంటే ప్రమాదకరమైన అతనినుండి నువ్వు తప్పించుకోవాల్సి ఉంటుంది...ఆ సైతాన్ తో పోరాడుతూ నువ్వే సైతాన్ అవ్వొచ్చు భయానికి కొత్త పేరు ఉంది అదే దేవర అనేలా కోట్ చేశారు.
ఈ సినిమాను 5 ఏప్రిల్ 2024లో విడుదల చేయనున్నారు. అందుకే 150 రోజుల్లో పెద్ద స్క్రీన్‌లలో అత్యంత భారీ ప్రదర్శనను చూసేందుకు సిద్ధంగా ఉండండి అంటూ హిట్ ఇచ్చారు. జాన్వీకపూర్ నాయికగా నటిస్తున్న ఈ సినిమాకు కొరటాల శివ, యుగంధర్ట్, సాబుసిరిల్, శ్రీకర్ ప్రసాద్ సాంకేతిక సిబ్బంది. యువసుధ ఆర్ట్స్ బేనర్ లో నందమూరి కళ్యాణ్ రామ్ నిర్మిస్తున్నారు.