అల‌నాటి న‌టి సావిత్రి జీవిత క‌థ ఆధారంగా మహానటి సినిమా తెర‌కెక్కిన విష‌యం తెలిసిందే. తెలుగు, త‌మిళ్‌లో రూపొందిన ఈ సినిమా సంచ‌ల‌న విజ‌యం సాధించి సెన్సేష‌న్ క్రియేట్ చేసింది. ఓవర్సీస్‌లో సైతం రికార్డ్ స్థాయి క‌లెక్ష‌న్స్ వ‌సూలు చేస్తోంది. తాజాగా మరో బ
అల‌నాటి న‌టి సావిత్రి జీవిత క‌థ ఆధారంగా మహానటి సినిమా తెర‌కెక్కిన విష‌యం తెలిసిందే. తెలుగు, త‌మిళ్‌లో రూపొందిన ఈ సినిమా సంచ‌ల‌న విజ‌యం సాధించి సెన్సేష‌న్ క్రియేట్ చేసింది. ఓవర్సీస్‌లో సైతం రికార్డ్ స్థాయి క‌లెక్ష‌న్స్ వ‌సూలు చేస్తోంది. తాజాగా మరో బయోపిక్‌ తెరమీదకు రానుంది. అయితే... ఆ బయోపిక్‌ మహానటికి కౌంటర్‌గా తెరకెక్కుతుండటం విశేషం.
మహానటి సినిమాలో జెమినీ గణేషన్ పాత్రను తప్పుగా చూపించారని ఆయన కూతురు డాక్టర్‌ కమల ఆరోపిస్తున్నారు. తన తండ్రి అవకాశాలు రాక సావిత్రిని వేధించినట్టుగా తాగుబోతుగా చూపించారనీ, అది నిజం కాదని ఆమె వాదిస్తున్నారు. అంతేకాదు త్వరలో జెమినీ గణేషన్ కథతో ఓ డాక్యుమెంటరినీ రూపొందిస్తున్నట్టుగా కమల వెల్లడించారు.
మహానటి వివాదం తెరమీదకు వచ్చిన తరువాత జర్నలిస్ట్‌ అనుపమా సుబ్రమణియంకు ఇచ్చిన ఇంటర్వ్యూలో ఈ విషయాన్ని వెల్లడించారు. మహానటిలో కేవలం ఒకవైపు నుంచి మాత్రమే చూపించారని అందుకే తన తండ్రి అసలు ఎలాంటివారో ప్రజలకు తెలియజేయాలనుకుంటున్నట్టుగా తెలిపారు. గంటా నలభై నిమిషాల నిడివితో రూపొందించే ఈ డాక్యుమెంటరీని చెన్నైతో పాటు హైదరబాద్‌లోనూ మీడియా ప్రతినిధుల కోసం ప్రత్యేకంగా ప్రదర్శిస్తామని తెలియ‌చేసారు.