నందమూరి బాలకృష్ణని అనుకరిస్తూ తాను క్యారెక్టర్లు చేశానని, బాలకృష్ణతో కలిసి కూడా ఓ సినిమాలోనూ నటించానని హాస్యనటుడు పృథ్వీ అన్నాడు. కథలో భాగంగా తాను హాస్యం చేస్తానని, తాను అనుకరిస్తోన్న
నందమూరి బాలకృష్ణని అనుకరిస్తూ తాను క్యారెక్టర్లు చేశానని, బాలకృష్ణతో కలిసి కూడా ఓ సినిమాలోనూ నటించానని హాస్యనటుడు పృథ్వీ అన్నాడు. కథలో భాగంగా తాను హాస్యం చేస్తానని, తాను అనుకరిస్తోన్న హీరోల ఇమేజ్ పెరిగేలా ఉంటుందే కానీ, వారి ఫ్యాన్స్ నొచ్చుకునేలా మాత్రం ఉండదని అన్నారు. ఓ సినిమాలో ప్రభాస్ బాహుబలి పాత్రను అనుకరిస్తూ చేసినందుకు తనకు ఆ సినిమా దర్శకుడు రాజమౌళి చివాట్లు పెట్టారని వచ్చిన వార్తలన్నీ అసత్యాలేనని, మసాలా చల్లి కొందరు అలా రాశారని చెప్పాడు.
ఇంకో గుడ్ న్యూస్ ఏంటంటే? దర్శక ధీరుడు రాజమౌళి తెరకెక్కిస్తోన్న బాహుబలి-2 సినిమాలో తాను కూడా నటిస్తున్నానని, దేవసేన పాత్ర వేసిన అనుష్కకు మంత్రిగా కనిపిస్తానని పృథ్వీ ఓ ఇంటర్వ్యూలో తెలిపాడు. బాహుబలి పార్ట్ 1 కన్నా పార్ట్ 2 పై ప్రేక్షకుల్లో ఎన్నో అంచనాలు ఉన్నాయని తెలిపాడు.
దేవసేన సామ్రాజ్యంలో తాను కూడా ఉంటానని చెప్పాడు. ఆ సినిమాలో మాత్రం తాను కామెడీ క్యారెక్టర్ చేయడం లేదని చెప్పుకొచ్చాడు. బాహుబలి షూటింగ్కు వెళితే ఇంటికి వెళ్లినట్లే ఉంటుందని చెప్పాడు. గతేడాది తాను చిరంజీవితో కలిసి పనిచేశానని, దర్శకుడు రాఘవేంద్రరావు సినిమాలోనూ నటించానని అన్నాడు. తాను ఈ ఏడాది ఫుల్ లెంత్ హీరోగా ప్రేక్షకుల ముందుకు వస్తున్నానని అన్నారు.