చైతు ఉంటే ప్రపంచంలో నాకు ఇంకేమీ అక్కర్లేదు : సమంత

టాలీవుడ్ ప్రేమపక్షులైన నాగ చైతన్య, సమంతలు ఇటీవలే మూడు ముళ్ల బంధంతో ఒక్కటయ్యారు. వీరిద్దరూ దంపతులై మరో వారం రోజుల్లో నెల రోజులుకానుంది. అయితే, కొత్త దంపతులమన్న సంగతి మరిచిపోయి.. ఎప్పటిలా షూటింగ్‌లలో పా

టాలీవుడ్ ప్రేమపక్షులైన నాగ చైతన్య, సమంతలు ఇటీవలే మూడు ముళ్ల బంధంతో ఒక్కటయ్యారు. వీరిద్దరూ దంపతులై మరో వారం రోజుల్లో నెల రోజులుకానుంది. అయితే, కొత్త దంపతులమన్న సంగతి మరిచిపోయి.. ఎప్పటిలా షూటింగ్‌లలో పాల్గొంటున్నారు. ఇటీవల ఓ కార్యక్రమానికి వచ్చిన సమంత మరోమారు తనకు చైతుపై ఉన్న ప్రేమను కూడా వెల్లడించింది. "ముఖ్యంగా నాకు దేవుడు చైతుని తోడుగా అందించాడు. చైతు ఉంటే ప్రపంచంలో నాకు ఇంకేమీ అక్కర్లేదు" అని సమంత తెలిపింది.

ఇపుడు దేవుడుని కోరుకోవాల్సింది ఏమైనా ఉందా అని అడిగితే... "నిజానికి దేవుణ్ని అడగాల్సింది ఏమీలేదు.. దేవుడు నాకు చాలా ఇచ్చాడు. అంతా మంచే చేశాడు. అర్హతకు మించిన గిఫ్ట్స్ ఇచ్చాడు.. ప్రస్తుతానికి ఆయనకు థాంక్స్ చెప్పడం తప్ప మరింక ఏమీ కోరుకోను. ఇచ్చిన గిఫ్ట్స్‌ని జాగ్రత్తగా కాపాడుకునే తెలివితేటల్ని మాత్రం ఇవ్వమని అడుగవచ్చు" అంతే అంటూ సమంత తెలిపింది.