బాలీవుడ్ హెయిర్‌ స్టైలిస్ట్ ఆలిమ్ హకీంకు కరోనా..

Aalim Hakim

బాలీవుడ్ హెయిర్‌స్టైలిస్ట్ ఆలిమ్ హకీంకు కరోనా సోకినట్టు నిర్ధారణ అయింది. ఈ విషయాన్ని ఆలీమ్ తన సోషల్ మీడియా ద్వారా వెల్లడించారు. డియర్ ఆల్, తాను కోవిడ్-19 బారిన పడ్డానని తెలిపారు. సినిమా షూటింగ్ కోసం అని వచ్చానని.. కానీ నిబంధనల ప్రకారం టెస్ట్ చేసి, రిపోర్ట్ వచ్చే వరకు ఐసోలేషన్‌లో ఉండాలని తెలిపారు. 

తాజాగా వచ్చిన రిపోర్ట్స్‌లో పాజిటివ్ అని నిర్ధారణ అయింది. కొద్ది రోజులు పాటు ఒంటరిగా ఉండాలి. తనకు ఎలాంటి లక్షణాలు లేవు. క్షేమంగా ఉన్నానని చెప్పారు. తనకు మద్దతిచ్చిన అందరికీ ధన్యవాదాలని ఆలిమ్ అన్నారు. ఇకపోతే.. ఆలిమ్ త్వరగా కరోనాని జయించాలని అభిమానులు, ప్రముఖులు సోషల్ మీడియాలో పోస్ట్‌లు పెడుతున్నారు.

బాలీవుడ్ ఫేమస్ హెయిర్ స్టైలిస్ట్‌గా ఉన్న ఆలిమ్.. సల్మాన్ ఖాన్, కత్రినా కైఫ్, షాహిద్ కపూర్, హృతిక్ రోషన్, అజయ్ దేవ్‌గన్, సంజయ్ దత్, రణబీర్ కపూర్ వంటి పలువురు బాలీవుడ్ నటులకు స్టైలిస్ట్‌గా ఉన్నారు. లాక్ డౌన్ నిబంధనలు సడలించిన తర్వాత బాలీవుడ్ నటులు అర్జున్ కపూర్, విక్కీ కౌషల్ , వివేక్ ఒబెరాయ్‌లకు కూడా హెయిర్ స్టైలిస్ట్‌గా పని చేశారు.