ముంబై రేవ్ పార్టీలో బాలీవుట్ స్టార్ హీరో తనయుడు?

ముంబైలో జరిగిన ఓ రేవ్ పార్టీలో బాలీవుడ్ స్టార్ హీరో పాల్గొనగా, అతనితో పాటు నలుగురిని పోలీసులు అదుపులోకి తీసుకున్నట్టు సమాచారం. ఈ మధ్యకాలంలో చిత్రపరిశ్రమను డ్రగ్స్ వ్యవహారం కలకలం రేపుతున్న విషయం తెల్సిందే. తాజాగా అటువంటిదే ముంబై తీరంలో జరిగింది. నార్కోటిక్స్ కంట్రోల్ బ్యూరో (ఎన్‌సీబీ)కు ఓ షిప్‌లో రేవ్‌ పార్టీ జరుగుతున్నట్లు సమాచారం అందింది. 

ముంబై జోనల్‌ డైరెక్టర్‌ సమీర్‌ వాంఖడే తన బృందంతో కలిసి సముద్రం మధ్య క్రూయిజ్‌ షిప్‌లో రేవ్‌ పార్టీపై దాడి చేసి పలువురిని అదుపులోకి తీసుకున్నారు. 

వీరిలో ఒకరు షారుఖ్‌ఖాన్‌ కుమారుడు ఆర్యన్‌ ఖాన్‌ కూడా ఉన్నట్లు సమాచారం. అదుపులోకి తీసుకున్న వారిలో హర్యానా, ఢిల్లీకి చెందిన ఇద్దరు డ్రగ్ పెడ్లర్లు ఉన్నట్లు తెలుస్తోంది. 7 గంటల సుదీర్ఘ ఆపరేషన్ తర్వాత స్టార్‌ హీరో కొడుకుతో పాటు 10 మందిని అరెస్టు చేసినట్లు ఎన్‌సీబీ అధికారి ఒకరు తెలిపారు.