గత మూడు సీజన్లుగా బుల్లితెర ప్రేక్షకులను అమితంగా ఆకర్షిస్తున్న రియాల్టీ షో బిగ్ బాస్-4. ఈ సీజన్ ఆదివారం నుంచి ప్రారంభంకానుంది. అయితే, ఈ సీజన్‌లో పాల్గొననున్న కంటెస్టెంట్స్ జాబితా ఒకటి తాజాగా లీక్ అయింది. మరికొన్ని గంటల్లో షో ప్రేక్షకుల ముందుకు రానున్న తరుణంలో అందులో పాల్గొనే 15 మంది పేర్లు వెల్లడి కావడం గమనార్హం.
ప్రస్తుతం సోషల్ మీడియాలో వైరల్ అవుతున్న జాబితా మేరకు.. దేత్తడి హారిక (యూట్యూబ్‌ స్టార్), దేవి నాగవల్లి (యాంకర్), గంగవ్వ (యూట్యూబ్‌ స్టార్), ముక్కు అవినాష్‌ (జబర్దస్త్ ఫేం), మోనాల్‌ గుజ్జార్‌ (హీరోయిన్‌), అమ్మ రాజశేఖర్‌( సినీ నృత్యదర్శకుడు), కరాటే కళ్యాణి (నటి), నోయల్‌(సింగర్‌), సూర్యకిరణ్‌ (సినీ దర్శకుడు) ఉన్నారు.
అలాగే, లాస్య (యాంకర్), జోర్దార్ సుజాత (యాంకర్), తనూజ పుట్టస్వామి (బుల్లి తెర నటి, ముద్దమందారం ఫేం), సయ్యద్ సోహైల్ (టీవీ నటుడు), అరియానా గ్లోరీ (యాంకర్, జెమిని కెవ్వు కామెడీ యాంకర్), అభిజిత్‌ (లైఫ్‌ ఈజ్‌ బ్యూటీఫుల్ సినిమా హీరో) ఉన్నట్టు తెలుస్తోంది. వీరితోపాటు సినీ నటి సురేఖ వాణి, మెహబూబా దిల్‌ సే(టిక్ టాక్ షార్ట్ ఫిల్మ్ స్టార్) పేర్లు కూడా వినిపిస్తున్నాయి.