తొలి వారం ఎలిమినేషన్ ప్రాసెస్‌పై సోషల్ మీడియాలో చర్చ జరుగుతోంది. ఇందులో భాగంగా ఈ వారంలో ముగ్గురు ఎలిమినేట్ అయ్యే ఛాన్సుందని అందరూ అనుకుంటున్నారు. ఈ వారం ఎలిమినేషన్ ప్రాసెస్ విషయానికి వస్తే.. 15 మందిలో మొత్తం ఆరుగుగు రాహుల్, పునర్నవి, వితికా, హిమజ, జాఫర్, హేమలు తొలివారం ఎలిమినేషన్‌కి నామినేట్ అయ్యారు.
ఈ ఆరుగురులో ఒకరు ఈవారం ఎలిమినేట్ కానున్నారు. ఇందులో వితికా షెరు సేఫ్ జోన్‌లో వున్నారు. భర్త వరుణ్ సందేశ్‌తో కలిసి బిగ్ బాస్ హౌస్‌లో అడుగుపెట్టిన ఆమె ఇప్పుడు బిగ్ బాస్ హౌస్‌లో కాంట్రివర్శి కంటెస్టెంట్‌గా మారారు. షో టాప్ రేటింగ్‌లో నడవాలంటే ఇలాంటి రేటింగ్ వనరు చాలా ముఖ్యం కాబట్టి వితికాను ఎలిమినేట్ చేసే సాహసం అయితే చేయరు.
ఇక హేమ, రాహుల్ సంగతికి వస్తే... హేమ కంటే రాహుల్‌పైనే పాజిటివ్ నెస్ వుంటుంది. ఓట్లు పరంగా రాహుల్‌కి వస్తున్న ఓట్ల శాతమే ఎక్కువ. అయితే హేమ లాంటి ఫైర్ బ్రాండ్ బిగ్ బాస్ రియాల్టీషోకు అవసరం. సో ఆమెను ఎలిమినేట్ అయితే చేయరని నెటిజన్లు అనుకుంటూ వున్నారు. మరి ఓట్లను పక్కనబెట్టి రాహుల్‌పై బిగ్ బాస్ వేటు వేస్తారని తెలుస్తోంది. అది తెలియాలంటే వెయిట్ చేయాల్సిందే.