పవన్ కల్యాణ్ కథానాయకుడిగా సాగర్ చంద్ర దర్శకత్వంలో 'భీమ్లా నాయక్' సినిమా రూపొందుతోంది. మలయాళంలో ఆ మధ్య భారీ విజయాన్ని సొంతం చేసుకున్న 'అయ్యప్పనుమ్ కోషియుమ్' సినిమాకి ఇది రీమేక్. ఈ సినిమాలో పోలీస్ ఆఫీసర్ పాత్రలో పవన్ కనిపించనున్నాడు.
ఈ సినిమా నుంచి ఇటీవల వదిలిన వీడియోకి అనూహ్యమైన రెస్పాన్స్ వస్తోంది. వచ్చేనెల 2వ తేదీన పవన్ పుట్టినరోజు. ఆ రోజున ఫస్టు సింగిల్‌ను రిలీజ్ చేశారు.
"సేభాష్.. ఆడాకాదు ఈడాకాదు... అమిరోళ్ళ మేడ కాదు" అంటూ పవర్ స్టార్ మరోసారి పవర్ ఫుల్ టైటిల్ సాంగ్‌తో భీమ్లా నాయక్‌గా ఎంట్రీ ఇస్తున్నాడు. ఎస్.ఎస్. తమన్ తన సంగీతంతో మరోసారి అభిమానులకు పునాకాలు తెప్పించాడు.
రామజోగయ్య శాస్త్రి ఈ పాటతో 'భీమ్లా నాయక్' పాత్రకి అద్దం పట్టేలా అద్భుతమైన లిరిక్స్ అందించాడు. మొదటి రోజు ఈ సాంగ్ యూట్యూబ్‌లో ట్రెండ్ చేస్తుందనటంలో ఎలాంటి సందేహం లేదు.