తెలుగు లోగిళ్లలో కళా కాంతులు, సంతోషాలు నింపే పండుగ సంక్రాంతి. భోగి, సంక్రాంతి ,కనుమ , ముక్కనుమ ఇలా నాలుగు రోజుల పాటు జరుపుకోవడం మనందరి ఆనవాయితీ. హరిలో రంగ హరి..’ అనే భక్త హరిదాసులు కీర్తనలు. రంగురంగుల రంగవల్లులు. రుచికరమైన పిండి వంటలు.. ఎగిరే పతంగులు..కోడి పందేలు.. పండుగ వేళ ఎక్కడ చూసినా ఇవే మనకు అగుపిస్తాయి.
పంటలు చేతికొచ్చి.. కుటుంబ సభ్యులు, బంధుమిత్రుల రాకతో ప్రతి ఇంటి లోగిళ్లన్నీ కళకళలాడుతున్నాయి.అలాంటి అందరికి ఇష్టమైన సంక్రాంతి విశిష్టతను తెలియచేసెలా ఓ ప్రత్యేక గీతాన్ని "మన సంక్రాంతి 2021" పేరిట గ్రీన్ మెట్రో ఇన్ ప్రా టెక్ అండ్ ప్రాజెక్ట్స్ ప్రై లిమిటెడ్ చైర్మన్ శ్రీ బొడ్డు అశోక్ నిర్మించారు.
తాజాగా క్రేజీ అంకుల్స్ సినిమా సెట్‌లో సింగర్ మనో, పాపులర్ యాంకర్ మరియు నటి శ్రీముఖి, రాజా రవీంద్ర చేతుల మీదగా ఈ పాటను ఆవిష్కరించారు.శ్రేయాస్ మీడియా యూట్యూబ్ చానెల్ ద్వారా ఈ పాట విడదలయి, నెటిజెన్స్‌ను ఆకట్టుకుంటోంది.
ప్రముఖ నటీనటులు సుహాసిని ,భానుచందర్ లపై కలర్ ఫుల్‌గా రూపొందించిన ఈ పాటకు ఫేమస్ లిరిసిస్ట్ కాసర్ల శ్యామ్ అర్థవంతమైన సాహిత్యాన్ని అందించగా భోలో షావలి, అంజనా సౌమ్య గీతాన్ని ఆలపించారు. సంక్రాంతి సందండినంతా నింపుకున్న ఈ పాట ముందుగానే పండుగ వాతావరణాన్ని తీసుకువచ్చింది.