జనవరి 14న బంగార్రాజు.. సంక్రాంతికి చరిత్రను తిరగరాయడం ఖాయం

అక్కినేని నాగార్జున, నాగ చైతన్య కాంబినేషన్‌లో రాబోతోన్న బంగార్రాజు సినిమా సంక్రాంతికి రాబోతోంది. జనవరి 14న బంగార్రాజు రాబోతోన్నట్టు ప్రకటించారు. కళ్యాణ్ కృష్ణ దర్శకత్వంలో ఈ సినిమా తెరకెక్కింది. 

గత ఏడాది సంక్రాంతికి విడుదలైన సోగ్గాడే చిన్ని నాయనా పండుగకు బాక్సాఫీస్ విజేతగా నిలిచింది. ఇప్పుడు, బంగార్రాజు చరిత్రను తిరగరాయడం ఖాయం అంటున్నారు సినీ పండితులు.  

ఈ చిత్రంలో నాగార్జున భార్యగా రమ్య క్రిష నటిస్తుండగా, నాగ చైతన్యకు జంటగా కృతి శెట్టి కనిపించనుంది. జాతి రత్నాలు ఫేమ్ ఫరియా అబ్దుల్లా ఒక ప్రత్యేక గీతంలో ఆడి పాడింది. ఈ చిత్రంలో నాగబాబు ఒక ముఖ్యమైన పాత్రను పోషించారు. 

ఈ చిత్రానికి సినిమాటోగ్రాఫర్ యువరాజ్, సంగీతం అనూప్ రూబెన్స్‌లు అందించారు. అన్నపూర్ణ స్టూడియోస్ ప్రైవేట్ లిమిటెడ్‌తో కలిసి జీ స్టూడియోస్ ఈ ప్రాజెక్ట్‌ను నిర్మిస్తోంది. నాగార్జున నిర్మాతగా వ్యవహరిస్తున్నారు. 

సత్యానంద్ ఈ చిత్రానికి స్క్రీన్‌ప్లే రాయడం జరిగింది. చలపతి రావు, రావు రమేష్, బ్రహ్మాజీ, వెన్నెల కిషోర్, ఝాన్సీలు కీలక పాత్రల్లో నటిస్తున్న ఈ చిత్రం పై భారీ అంచనాలు నెలకొన్నాయి.