బాలయ్య - బోయ‌పాటి సినిమాని నిర్మించేది ఎవ‌రో తెలుసా..?

నంద‌మూరి న‌టసింహం బాల‌కృష్ణ ఎన్టీఆర్ పేరుతో బ‌యోపిక్ స్టార్ట్ చేసారు కానీ.. కొన్ని కార‌ణాల వ‌ల్ల ప్ర‌స్తుతానికి ఆగింది. అయితే.. ఈ సినిమా కంటే ముందు రెండు సినిమాలను ప్రారంభించేందుకు ప్లాన్ చేస్తున్నారు

నంద‌మూరి న‌టసింహం బాల‌కృష్ణ ఎన్టీఆర్ పేరుతో బ‌యోపిక్ స్టార్ట్ చేసారు కానీ.. కొన్ని కార‌ణాల వ‌ల్ల ప్ర‌స్తుతానికి ఆగింది. అయితే.. ఈ సినిమా కంటే ముందు రెండు సినిమాలను ప్రారంభించేందుకు ప్లాన్ చేస్తున్నారు. ముందుగా డైన‌మిక్ డైరెక్ట‌ర్ వినాయక్‌ దర్శకత్వంలో ఓ సినిమా చేసేందుకు రెడీ అవుతున్నారు బాలకృష్ణ. ఈ చిత్రానికి ప‌రుచూరి బ్ర‌ద‌ర్స్ క‌థ అందించారు. సి.క‌ళ్యాణ్ ఈ సినిమాని నిర్మిస్తున్నారు.

ఇదిలావుంటే... తనకు 'సింహా', 'లెజెండ్‌' లాంటి ఘనవిజయాలను అందించిన బోయపాటి శ్రీను దర్శకత్వంలోనూ ఓ సినిమాను ప్రారంభించనున్నారట. ఈ సినిమాను బాలయ్య పుట్టిన రోజు సందర్భంగా జూన్‌ 10న ప్రారంభించేందుకు ఏర్పాట్లు చేస్తున్నారు. 

ఈ సినిమాను బాలయ్య స్వయంగా ఎన్‌.బి.కె ఫిలింస్‌ బ్యానర్‌పై నిర్మించే అవకాశమున్నట్టుగా తెలుస్తోంది. ఎన్టీఆర్‌ బయోపిక్‌ను కూడా బాలయ్య స్వయంగా నిర్మిస్తున్న విషయం తెలిసిందే. మ‌రి... ఇన్నాళ్లు హీరోగా విజ‌యం సాధించిన బాల‌య్య నిర్మాత‌గా కూడా విజ‌యం సాధిస్తాడ‌ని ఆశిద్దాం.