బాహుబలి హీరో ప్రభాస్ తాజాగా సాహోలో నటిస్తున్న సంగతి తెలిసిందే. తాజాగా సాహో నుంచి అధికారిక పోస్టర్ రిలీజ్ అయ్యింది. సుజీత్ దర్శకత్వంలో భారీ బడ్జెట్ సినిమాగా రూపొందుతున్న ఈ చిత్రంలో ప్రభాస్‌కు జోడీగా బాలీవుడ్ నటీమణి శ్రద్ధా కపూర్ నటిస్తోంది. నీల్ నితిన్ ముకేష్, లాల్, అరుణ్ విజయ్, వెన్నెల కిషోర్ తదితరులు నటించిన ఈ సినిమాను యూవీ క్రియేషన్స్ సంస్థ నిర్మిస్తోంది.
ఈ నేపథ్యంలో సాహో నుంచి ప్రభాస్ లుక్ విడుదలైంది. తెలుగు, తమిళం, హిందీ భాషల్లో దాదాపు 300 కోట్ల రూపాయల బడ్జెట్‌తో ఈ సినిమా రూపుదుదిదుకుంటోంది. ఇలాంటి పరిస్థితుల్లో మే 21వ తేదీన డార్లింగ్స్.. సర్ ప్రైజ్ వుందని ఓ వీడియోను ప్రభాస్ సోషల్ మీడియాలో పోస్టు చేశాడు.
తాజాగా సాహో నుంచి ప్రభాస్ పోస్టర్ రిలీజ్ అయ్యింది. ఈ సినిమా ఆగస్టు 15వ తేదీ రిలీజ్ కానుంది. బాహుబలి-2 తర్వాత ప్రభాస్ నటిస్తున్న ఈ సినిమాపై భారీ అంచనాలున్నాయి.