ఎస్ఎస్.రాజమౌళి తన చిత్రం విడుదలను.. శివపార్వతులు తెలియజేయాలని.. శివరాత్రినాడు చెప్పినట్లే... ఇంకా వారి ఆమోదం పొందలేదనేందుకు ఉదాహరణలు చెబుతున్నాయి. వాస్తవానికి ఈ చిత్రం గత యేడాది (2016)లోనే విడుదల కావా
ఎస్ఎస్.రాజమౌళి తన చిత్రం విడుదలను.. శివపార్వతులు తెలియజేయాలని.. శివరాత్రినాడు చెప్పినట్లే... ఇంకా వారి ఆమోదం పొందలేదనేందుకు ఉదాహరణలు చెబుతున్నాయి. వాస్తవానికి ఈ చిత్రం గత యేడాది (2016)లోనే విడుదల కావాల్సి ఉంది. కానీ, అనుకున్న సమయానికి చిత్రం షూటింగ్ పూర్తి కాలేదు. దీంతో ఈ యేడాది ఏప్రిల్‌ 28వ తేదీన విడుదల చేయనున్నట్టు ప్రకటించారు. కానీ అప్పటికి పోస్ట్‌ప్రొడక్షన్‌ పనులు పూర్తికాకపోవచ్చని చిత్ర యూనిట్‌ చెబుతోంది.
ప్రస్తుతం విఎఫ్‌ఎక్స్‌ వంటి పోస్ట్‌ ప్రొడక్షన్‌ పనులు జరుపుకుంటోంది. ఇక రిలీజుకు గట్టిగా రెండు నెలలు కూడా లేకపోవడంతో చిత్ర యూనిట్‌ ప్రచార కార్యక్రమాలను మొదలుపెట్టే సన్నాహాల్లో ఉంది. అయితే ఆడియో వేడుకను చేసేస్తే.. విడుదలకు దగ్గరపడుతుందనే సంకేతాలు ఇచ్చినట్లు అవుతుందని.. ముందుగా ఆడియోను భారీగా నిర్వహించాలనే ప్లాన్స్‌ వేస్తున్నారు.
తొలి భాగాన్ని తిరుపతిలో లాంచ్‌ చేయగా రెండో పార్ట్‌ పాటలను వైజాగ్‌లో చేయాలని మొదట అనుకున్నారు. కానీ ఇప్పుడు పథకం మారిందని, హైదరాబాద్‌లోని రామోజీ ఫిల్మ్‌ సిటీలో బాహుబలి కోసం వేసిన భారీ మాహిష్మతి సెట్లోనే ఆడియో వేడుక జరిగే అవకాశముందని అంటున్నారు.