మాస్ మహారాజ రవితేజ క్రాక్ సినిమా షూటింగ్ శరవేగంగా జరుగుతోంది. సాధారణంగా రవితేజ సినిమా అంటే ఫుల్ ఎంటర్‌టైన్‌మెంట్ ఉండాల్సిందే. కామెడీ, యాక్షన్, డ్యాన్స్ ఇలా ఏ విషయంలోనైనా రవితేజ స్టైలే వేరు. ఈ హీరో ప్రస్తుతం గోపీచంద్ మలినేని దర్శకత్వంలో క్రాక్ సినిమా చేస్తున్నాడు రవితేజ. ఇందులో శృతిహాసన్ హీరోయిన్‌గా నటిస్తోంది. ఈ చిత్రంలో అందరికీ వినోదాన్ని అందించేందుకు ఐటంసాంగ్‌ను పెట్టాడు డైరెక్టర్. రాంగోపాల్ వర్మ థ్రిల్లర్ చిత్రంతో ప్రేక్షకులను ఆడియెన్స్‌ను అలరించిన అప్సరా రాణి ఐటెంసాంగ్‌లో కనిపించనుంది.
తాజాగా ఈ పాట చిత్రీకరణకు సంబంధించిన స్టిల్‌ను గోపీచంద్ మలినేని ట్విట్టర్‌లో షేర్ చేశాడు. మాస్ రాజా రవితేజ, జానీ మాస్టర్, అప్సరా రాణి కాంబోలో ప్రేక్షకుల్లో జోష్ నింపేందుకు మాస్ సాంగ్ రాబోతుందని చెప్పాడు గోపిచంద్. సెట్స్‌లో అప్సరా రాణి స్టన్నింగ్ లుక్‌లో మెస్మరైజ్ చేస్తుండగా.. రవితేజ, జానీ, గోపీచంద్ బ్లాక్ డ్రెస్సుల్లో కలిసి దిగిన సెల్పీ నెట్టింట్లో వైరల్ అవుతోంది.
రవితేజ, శృతిహాసన్ జంటగా నటిస్తున్న ఈ సినిమాకు తమన్ సంగీతం సమకూరుస్తున్నారు. ఈ సినిమా షూటింగ్ లాక్‌డౌన్ తరవాత తిరిగి ప్రారంభమైంది. ఈ షూటింగ్ మేకింగ్ వీడియోను చిత్ర యూనిట్ విడుదల చేసింది. ఈ వీడియో నెట్టింట వైరల్ అయిన సంగతి తెలిసిందే. ఇక సినిమా కూడా ఓటీటీలో విడుదల కానుంద‌ని ప‌లు వార్తలు ప్ర‌చార‌మ‌వుతున్నాయి. అన్యాయాన్ని ఎదురించే నిజాయితీప‌రుడైన పోలీస్ ఆఫీస‌ర్ పాత్ర‌లో’ రవితేజ క‌నిపించ‌బోతున్నాడు.