అంజలి ప్రధాన పాత్రలో నటించి ఇటీవలే ఓటీటీ లవర్స్ ముందుకొచ్చింది వెబ్ సిరీస్ ఝాన్సీ. దర్శకుడు తిరు ఈ వెబ్ సిరీస్ ను డైరెక్ట్ చేశారు. ట్రైబల్ హార్స్ ఎంటర్ టైన్ మెంట్స్ బ్యానర్ పై కృష్ణ నిర్మించారు. సైకలాజికల్ యాక్షన్ డ్రామా కథతో తెరకెక్కిన ఝాన్సీ వెబ్ సిరీస్ గత నెల 27 నుంచి డిస్నీ ఫ్లస్ హాట్ స్టార్ లో స్ట్రీమింగ్ అవుతోంది. ఈ వెబ్ సిరీస్ లో అంజలి యాక్షన్ ఓరియెంటెడ్ క్యారెక్టర్ లో ప్రేక్షకులను ఆకట్టుకుంటోంది. ఇందులో ఆమె చేసిన స్టంట్స్ ప్రత్యేక ఆకర్షణ అయ్యాయి. అబ్ రామ్, ఆదర్శ్ బాలకృష్ణ, సంయుక్త హార్నాడ్, చాందినీ చౌదరి, శరణ్య, రాజ్ అర్జున్, కళ్యాణ్ మాస్టర్, ముమైత్ ఖాన్ ఇతర కీలక పాత్రలు పోషించారు.
ఇటీవల విడుదలైన ఓటీటీ షోస్ రేటింగ్స్ లో ఝాన్సీ సెకండ్ ప్లేస్ ను సంపాదించుకుంది. ఈ వెబ్ సిరీస్ కు 3.25 మిలియన్ యూనిక్ వ్యూయర్స్ తో 0.66 రీచింగ్ సాధించింది. ద ఫ్యామిలీ మ్యాన్ సిరీస్ స్టంట్ కొరియోగ్రాఫర్ యనిక్ బెన్ ఝాన్సీ వెబ్ సిరీస్ లో అదిరిపోయే యాక్షన్ ఎపిసోడ్స్ డిజైన్ చేశారు. ఒక సరికొత్త యాక్షన్ డ్రామాగా ఝన్సీ సూపర్ సక్సెస్ సాధించింది.