హీరో 'అల్లరి' నరేష్ పూర్తి భిన్న‌మైన, ఒక ఉద్వేగ‌భ‌రిత‌మైన పాత్ర పోషిస్తున్న చిత్రం "నాంది". ఈ సినిమా ద్వారా విజయ్ కనకమేడల దర్శకుడిగా పరిచయం అవుతున్నాడు. ఈ మూవీ షూటింగ్ పూర్తి అయ్యింది. ప్రస్తుతం పోస్ట్ ప్రొడక్షన్ వర్క్స్ జరుగుతున్నాయి.
షూటింగ్ పూర్తి చేసుకున్న సందర్భంగా చిత్ర యూనిట్ విడుదల చేసిన పోస్టర్ చూస్తుంటే అల్లరి నరేష్ ఒక కిటికీ దగ్గర నిల్చొని తన బాధను వ్యక్త పరుస్తున్నాడనే విషయం దీన్నబట్టి తెలుస్తుంది. అల్లరి నరేష్ నాంది సినిమాలో ఇప్పటివరకు చెయ్యని ఒక విభిన్నమైన పాత్ర చేస్తున్నాడని, నిర్మాత సతీష్ వేగేశ్న ఈ సినిమాను ప్రతిష్టాత్మకంగా నిర్మిస్తున్నాడు.
ఇటీవల విడుదలైన నాంది పోస్టర్ (ఫస్ట్ రివీల్ ఇంప్యాక్ట్)కు అద్భుతమైన స్పందన లభించింది. శ్రీచరణ్ పాకాల సంగీతం అందిస్తోన్న ఈ సినిమాకు సిద్ సినిమాటోగ్రఫీ అందిస్తున్నాడు.