కొత్త పిల్లపై కన్నేసిన పవర్ స్టార్?!

టాలీవుడ్ హీరో పవర్ స్టార్ పవన్ కళ్యాణ్. ఈయన జోడు గుర్రాలపై స్వారీ చేస్తున్నారు. అటు రాజకీయాల్లో రాణిస్తూనే, ఇటు తనకు అచ్చొచ్చిన సినిమాల్లో కూడా నటిస్తున్నారు. ముఖ్యంగా, ఇటీవల కొన్ని నెలల గ్యాప్ తర్వాత రీ ఎంట్రీ ఇచ్చారు. ఈ ఎంట్రీలో పవన్ వరుస చిత్రాలకు పచ్చజెండా ఊపుతున్నాడు. 

ఇప్పటికే పింక్ బాలీవుడ్ రీమేక్ చిత్రంలో నటిస్తున్న పవన్... ఆ తర్వాత హరీశ్ శంకర్‌తో పాటు.. మరికొంతమంది దర్శకులతో కలిసి పని చేయనున్నారు. ఈ క్రమంలో మలయాళ సూపర్ హిట్ చిత్రం 'అయ్యప్పనుమ్ కోషియమ్' రీమేక్‌లో నటిస్తున్నారు. 

ఈ చిత్రంలో పవన్‌కు జోడీగా తొలుత సాయి పల్లవి పేరున ప్రముఖంగా ప్రచురించింది. కానీ, ఇంతలో ఏం జరిగిందో తెలియదుకానీ, ఐశ్వర్యా రాజేష్‌ను ఎంపిక చేసినట్టు వార్తలు వస్తున్నాయి. ఆ పాత్రకు సినిమాలో చాలా ప్రాధాన్యం ఉంది. ఎమోషనల్ సీన్స్ కూడా ఉంటాయి. 

ఆ పాత్రకు మొదట సాయిపల్లవి పేరు వినిపించింది. తాజాగా ఐశ్వర్య పేరు తెర మీదకు వచ్చింది. ఈ ఆఫర్ ఐశ్వర్యకు వస్తే తెలుగులో ఆమెకు మరిన్ని మంచి రోల్స్ వచ్చే ఛాన్సుంది. 

ఇదిలావుంటే, ఈ తమిళ పిల్లకు తెలుగులో కూడా మంచి ఆఫర్లు లభిస్తున్నాయి. తాజా సమాచారం ప్రకారం.. 'ఆర్ఆర్ఆర్'లో గిరిజన యువతి పాత్రలో ఐశ్వర్య కనిపించబోతున్నట్టు ఇటీవల వార్తలు వచ్చాయి. అయితే ఈ విషయాన్ని చిత్ర యూనిట్ అధికారికంగా వెల్లడించాల్సివుంది.