'హార్ట్ ఎటాక్' చిత్రం ద్వారా తెలుగు వెండితెరకు పరిచయమైన హీరోయిన్ ఆదాశర్మ. ఈమెకు సరైన సినీ ఛాన్సులు లభించలేదు. అరకొరా చిత్రాల్లో నటించే అవకాశం లభించినా సెకండ్ హీరోయిన్‌గానే వచ్చాయి. అల్లు అర్జున్ నటించి 'సన్నాఫ్ సత్యమూర్తి', సాయి ధరమ్ తేజ్ నటించిన 'సుబ్రహ్మణ్యపురం ఫర్ సేల్', 'క్షణం' వంటి చిత్రాల్లో నటించి, తన నటనతో ప్రతి ఒక్కరినీ మెప్పించింది.
ఈమెకు సినీ అవకాశాలు లేకపోయినప్పటికీ సోషల్ మీడియాలో మాత్రం నిత్యం సందడి చేస్తూనే ఉంటుంది. వివిధ రకాల వెరైటీ వీడియోలను పోస్ట్ చేస్తూ ఫ్యాన్స్‌కు మంచి కిక్ ఇస్తూ ఉంటుంది.
ఆ మ‌ధ్య కికి ఛాలెంజ్‌కి సంబంధించిన వీడియోతో పాటు బెల్లీ డ్యాన్స్ వీడియోల‌ని సోషల్ మీడియాలో పోస్ట్ చేసి వావ్ అనిపించింది. తాజాగా మద్యం సేవించడం వల్ల వచ్చే అన‌ర్థాల‌ని వివ‌రిస్తూ ఓ వీడియో చేసింది. బెల్లీ డ్యాన్స్ చేస్తూ బీర్‌ను తాగుతున్నట్టుగా వీడియోలో ఉంది. ఈ వీడియోకి అద్భుతమైన స్పందన వస్తోంది.
గతంలో కూడా ధూమపానానికి వ్యతిరేకంగా ఆమె రూపొందించిన వీడియో వైరల్ అయింది. ఆదాశర్మ ప్ర‌స్తుతం ప‌లు బాలీవుడ్ సినిమాల‌తో పాటు హ‌లీవుడ్ సినిమా చేస్తున్న‌ట్టు తెలుస్తుంది. తెలుగులో అ మూవీ ఫేం ప్ర‌శాంత్ వ‌ర్మ ద‌ర్శ‌క‌త్వంలో తెర‌కెక్కుతున్న "క‌ల్కి"లో న‌టిస్తుంది. రాజ‌శేఖ‌ర్ ప్రధాన పాత్ర‌లో రూపొందుతున్న ఈ చిత్రం త్వ‌ర‌లోనే ప్రేక్ష‌కుల ముందుకురానుంది.