భోళా శంకర్ ద్వారా అన్నయ్య దొరికాడు.. మంచి ఫ్రెండ్ దొరికింది..

keerthy suresh

మెగాస్టార్ చిరంజీవి నటించిన భోళా శంకర్ సినిమా త్వరలో ప్రేక్షకుల ముందుకు రానుంది. ఈ సినిమా ప్రీ-రిలీజ్ ఈవెంట్‌లో సినీ నటి కీర్తి సురేష్ చేసిన వ్యాఖ్యలు ప్రస్తుతం సోషల్ మీడియాను షేక్ చేస్తున్నాయి. హైదరాబాద్ శిల్పకళా వేదికలో జరిగిన భోళా శంకర్ ప్రీ -రిలీజ్ ఈవెంట్‌లో కీర్తి సురేష్ మాట్లాడుతూ.. ఈ సినిమాలో బ్రదర్-సిస్టర్ ట్రాక్ వుంది. 

ఈ చిత్రంతో తనకు మెహర్ రమేష్ రూపంలో మరో అన్నయ్య దొరికాడని కామెంట్ చేసింది. తనను నమ్మి ఈ పాత్ర ఇచ్చినందుకు అన్నయ్యకి థ్యాంక్స్ చెప్తున్నానని కీర్తి వెల్లడించింది. తమన్నా లాంటి ఒక మంచి ఫ్రెండ్‌ను కూడా ఈ సినిమా ఇచ్చింది. 

మెగాస్టార్ నుంచి ఎంతో నేర్చుకోవాల్సి వుంది. షూటింగు జరిగినన్ని రోజులు ఆయన ఇంటి నుంచి ఫుడ్ వచ్చేది. అందుకు తాను సురేఖ గారికి థ్యాంక్స్ చెబుతున్నాను. నిజంగా ప్రతి ఒక్కరూ స్ఫూర్తిగా తీసుకోవలసిన వ్యక్తిత్వం మెగాస్టార్‌ది. ఆయన చెల్లెలిగా నటించే అవకాశం వచ్చినందుకు చాలా సంతోషంగా ఉంది.. అంటూ కీర్తి సురేష్ వెల్లడించింది.