''ఆడై'' #MoviebuffSneakPeek వీడియో.. నెట్టింట వైరల్

అమలాపాల్ గురించే ప్రస్తుతం దక్షిణాది సినీ ఇండస్ట్రీలో అందరూ చర్చించుకుంటున్నారు. ఆడై (తెలుగులో ఆమె) అనే సినిమాలో నటించిన ఈ భామ.. ఇందులో నగ్నంగా నటించి.. టాక్ ఆఫ్ ది సౌత్ సినీ ఇండస్ట్రీగా మారిపోయింది. ఇంతవరకు ఏ హీరోయిన్ చేయని సాహసం ఈమె చేసింది. ఈ సినిమాలోని కొన్ని సన్నివేశాలకు సెన్సార్ కట్ ఇచ్చింది. 

ఇంకా ఈ చిత్రానికి ఎ సర్టిఫికేట్ కూడా సెన్సార్ బోర్డు ఇచ్చింది. ఆడై ఇప్పటికే విడుదలై భారీ కలెక్షన్లు పరంగా కుమ్మేస్తోంది. ఈ నేపథ్యంలో ఆడై సినిమాకు చెందిన స్నేక్ పీక్ వీడియోను సినీ యూనిట్ విడుదల చేసింది. 

మేయాద మాన్ దర్శకుడు రత్నకుమార్ దర్శకత్వంలో, అమలాపాల్ నటించిన ఆడై సినిమా నుంచి తాజాగా విడుదలైన ఈ వీడియో నెట్టింట వైరల్ అవుతోంది. పుట్టినరోజు జరుపుకునేందుకు స్నేహితులతో కలిసి వెళ్లిన అమలాపాల్.. దుస్తులు లేకుండా ఓ ప్రాంతంలో చిక్కుకుపోతుంది.

ఆ ప్రాంతం నుంచి ఆమె ఎలా బయటపడుతుందని అనే కాన్సెప్ట్‌తో ఈ సినిమా తెరకెక్కింది. ఇందులో విజే రమ్య, వివేక్ ప్రసన్న కీలక పాత్రల్లో నటించారు. ప్రస్తుతం ఈ చిత్రం నుంచి విడుదలైన వీడియో సోషల్ మీడియాను షేక్ చేస్తోంది.