తమిళ స్టార్ హీరో సూర్య, విక్రం కుమార్ కాంబినేషన్‌లో రూపొందుతున్న చిత్రం ''24''. ఈ చిత్రంలో సూర్య త్రిపాత్రాభినయం పోషిస్తున్నవిషయం తెలిసిందే. టైం మిషన్ బ్యాక్ గ్రౌండ్‌తో వస్తున్న ఈ చిత్రాన్ని తమిళంలోనే కాకుండా తెలుగులో కూడా భారీ స్థాయిలో రిలీజ్ చేయడానికి దర్శక నిర్మాతలు సన్నాహాలు చేస్తున్నారు. సూర్య హీరోగా, విలన్‌గా నటిస్తున్న ఈ చిత్రంలో సమంత, నిత్యా మీనన్‌లు కథానాయికలుగా నటిస్తున్నారు.
ఇప్పటికే విడుదలైన ట్రైలర్స్, పోస్టర్స్ సినిమా మీద భారీ అంచనాలను పెంచేశాయి. ఈ మధ్యనే ఆడియో రిలీజ్ కార్యక్రమం జరుపుకున్న సూర్య ''24'' మే 6న గ్రాండ్‌గా రిలీజ్ కానుంది. ఓవర్సీస్‌లో కూడా ఎక్కువ థియేటర్లలో రిలీజ్ చేస్తున్నారు. ఒకటి కాదు రెండు కాదు ఏకంగా 267 స్క్రీన్‌లలో అమెరికాలో రిలీజ్ చేయడానికి గెలాక్సి ఇంక్ సంస్థ ఏర్పాట్లు చేసింది.
మంచి కాన్సెప్ట్ ఓరియెంటెడ్ సినిమా వస్తే ఇక్కడ కన్నా అక్కడ మంచి వసూళ్లు రాబట్టే అవకాశం ఉందని ట్రేడ్ వర్గాల అంచనా. రిలీజ్‌కు ఒక రోజు ముందు స్పెషల్ ప్రీమియర్ షోలను వేసే ఆలోచనలో ఉన్నట్టుగా యూనిట్ సభ్యులు తెలిపారు. భారీ అంచనాల నడుమ వస్తున్న సూర్య 24 ఎన్ని రికార్డులను క్రియేట్ చేస్తుందో చూడాలంటే మే ఆరో తేదీ వరకు ఆగాల్సిందే.