టాలీవుడ్ అందాల నటీమణుల్లో సీరత్ కపూర్ ఒకరు. ఈమె గతలంలో 'రన్ రాజా రన్', 'కృష్ణ అండ్ హిజ్ లీలా' వంటి చిత్రాల్లో నటించి తన అదృష్టాన్ని పరీక్షించుకుంది. ఈ రెండు చిత్రాల్లో 'రన్ రాజా రన్' చిత్రం విజయాన్ని సొంతం చేసుకుంది. అయినప్పటికీ ఈ అమ్మడు కెరీర్‌కు బ్రేక్ లభించలేదు.
అయినప్పటికీ సినిమాపై ఉన్న మోజు మాత్రం తగ్గలేదు. ఎలాగైనా సినీ రంగంలో నిలదొక్కుకోవాలన్న తపనతో తన మకాంను హైదరాబాద్ నుంచి ముంబైకు మార్చింది. అక్కడ కూడా తనకు అదృష్టం కలిసిరాకపోవడంతో తిరిగి భాగ్యనగరికే వచ్చింది. ఈ క్రమంలో ఇటీవలే 'మా వింత గాథ వినుమా' అనే చిత్రంలో తళుక్కున మెరిసింది.
అయినప్పటికీ.. ఆమెకు లక్కీ ఛాన్స్ రాలేదు. దీంతో దర్శక నిర్మాతలను బుట్టలో వేసుకునేందుకు ఓ కొత్త యువహీరో సాయం తీసుకుంది. అతని పేరు సిద్ధూ జొన్నలగడ్డ. ఈ యువ హీరో ఓటీటీ ఫ్లాట్‌ ఫాంలో దూసుకెళ్తూ త‌న‌కంటూ ప్ర‌త్యేక ఇమేజ్ తెచ్చుకుంటున్నాడు.
ఈయన ద్వారా టాలీవుడ్‌లో మంచి రోల్స్ పొందాలని సీరత్ కపూర్ భావిస్తోంది. పైగా, ఈమెకు సిద్ధూ కూడా బాగానే సాయం చేస్తున్నాడట. స్నేహితుడైన సిద్ధూ సాయంతో సీరత్ కపూర్ ప‌లువురు ద‌ర్శ‌క‌నిర్మాత‌ల‌తో వారి సినిమాల్లోకి తన‌ను తీసుకునే విష‌య‌మై ప‌లువురు సంప్ర‌దింపులు జ‌రుపుతోంద‌ట.