"పుష్ప" ఆఫర్‌ను తిరస్కరించిన అక్కినేని కోడలు? (video)

స్టైలిష్ స్టార్ అల్లు అర్జున్ నటిస్తున్న తాజా చిత్రం 'పుష్ప'. టాలీవుడ్ దర్శకుడు కె.సుకుమార్ దర్శకత్వం వహిస్తున్నారు. అయితే, గతంలో వచ్చిన 'రంగస్థలం' చిత్రం తర్వాత సుకుమార్ దర్శకత్వం వహిస్తున్న చిత్రం 'పుష్ప'. ఎర్రచందనం స్మగ్లింగ్ నేపథ్యంలో ఈ చిత్ర కథ పూర్తిగా సాగనుంది. 

రంగస్థలంలో హీరోయిన్‌గా సమంత నటించింది. ఈ చిత్రంలో ఆమె పల్లెటూరి పిల్ల పాత్రలో అద్భుతంగా నటించి, ప్రతి ఒక్కరి ప్రశంసలు పొందింది. ఆ సినిమాలో సమంత నటన చూసి సుకుమార్ ఫిదా అయిపోయాడు. సమంతతో చాలా సినిమాలు చేయాలనుందని చెప్పాడు. చెప్పినట్టుగానే తన తర్వాత సినిమా కోసం కూడా ముందుగా సమంతనే సుకుమార్ సంప్రదించాడట. 

ఈ మేరకు గత డిసెంబర్‌లోనే సమంతను కలిశాడట. అయితే కొన్ని నెలల పాటు సినిమాల నుంచి బ్రేక్ తీసుకోవాలని ఆ సమయంలో సమంత నిర్ణయించుకుందట. అందుకే 'పుష్ప' సినిమాను రిజెక్ట్ చేసిందట. దాంతో ఆ స్థానంలోకి రష్మిక వచ్చి చేరింది.