పవన్ తన అన్న కుమార్తె నిహారిక పెళ్లికెళితే క్రిష్‌కి టెన్షన్ ఎందుకు?

పవర్ స్టార్ పవన్ కళ్యాణ్‌తో విభిన్న కథా చిత్రాల దర్శకుడు క్రిష్‌.. ఓ భారీ పిరియాడిక్ మూవీ చేస్తున్న విషయం తెలిసిందే. ఈ చిత్రాన్ని సీనియర్ ప్రొడ్యూసర్ ఎ.ఎం. రత్నం నిర్మిస్తున్నారు. కరోనాకి ముందు ఫస్ట్ షెడ్యూల్ కంప్లీట్ చేసారు. సెకండ్ షెడ్యూల్ స్టార్ట్ చేద్దామనుకుంటే కరోనా వచ్చింది. అయితే... పవన్ డేట్స్ ఇవ్వడానికి టైమ పడుతుంది కనుక ఈ గ్యాప్‌లో సినిమా చేద్దామని వైష్ణవ్ తేజ్‌తో ఓ సినిమా స్టార్ట్ చేసారు.

ఈ సినిమా పోస్ట్ ప్రొడక్షన్ వర్క్ జరుపుకుంటుంది. అయితే... ఇటీవల పవన్ వకీల్ సాబ్ షూటింగ్‌లో జాయిన్ అయ్యారు. ఆ తర్వాత క్రిష్ మూవీ షూటింగ్‌లో జాయిన్ అవుతారు అనుకుంటే... అయ్యప్పన్ కోషియమ్ రీమేక్‌కి టైమ్ ఇచ్చారు. దీంతో క్రిష్ తన సినిమాకి డేట్స్ ఇవ్వమని కనీసం పది రోజులు డేట్స్ ఇచ్చినా... ఓ షెడ్యూల్ కంప్లీట్ చేస్తానన్నారు. ఆఖరికి క్రిష్ ప్రయత్నం ఫలించింది.

డిసెంబర్‌లో ఓ పది రోజులు డేట్స్ ఇస్తానన్నారు. అంతా బాగానే ఉంది అనుకుంటే... ఇప్పుడు ఓ సమస్య వచ్చింది. అది ఏంటంటే... నాగబాబు కుమార్తె నీహారిక పెళ్లి డిసెంబర్‌లో వుంది. దానికి కనుక పవన్ హాజరైతే వకీల్ సాబ్ షెడ్యూలు దెబ్బతింటుంది.

 పెళ్లికి వెళితే... వకీల్ సాబ్ షూటింగ్ ఆలస్యం అవుతుంది. అలా జరిగితే... క్రిష్ సినిమాకు సమస్య వస్తుంది. అలా అని పెళ్లికి వెళ్లకుండా వుండలేరు. సొంత అన్న కూతురు పెళ్లి. అందుచేత పవన్ ఏం చేస్తారో అని క్రిష్‌ టెన్షన్ పడుతున్నారని టాక్. పాపం.. క్రిష్. ఆయన సినిమాలకి ఏదో సమస్య వస్తుంది.