2019 జనవరిలోనే ''సాహో'' సినిమా విడుదల కానుందని ఫిలిమ్ నగర్ వర్గాల టాక్. ఇటీవలే హైదరాబాద్‌లో ఓ షెడ్యూల్‌ షూటింగ్‌ను పూర్తి చేసుకున్న టీమ్ దుబాయ్‌కి బయల్దేరనుంది. ఇందుకోసం ఫిబ్రవరిలో దుబాయ్‌కి సాహో టీమ్
2019 జనవరిలోనే ''సాహో'' సినిమా విడుదల కానుందని ఫిలిమ్ నగర్ వర్గాల టాక్. ఇటీవలే హైదరాబాద్‌లో ఓ షెడ్యూల్‌ షూటింగ్‌ను పూర్తి చేసుకున్న టీమ్ దుబాయ్‌కి బయల్దేరనుంది. ఇందుకోసం ఫిబ్రవరిలో దుబాయ్‌కి సాహో టీమ్ ప్రయాణం కానుంది.
దుబాయ్‌లో రెండు నెలల పాటు ఈ సినిమా షూటింగ్ జరుగుతుంది. ఇక్కడ భారీ యాక్షన్ సన్నివేశాల చిత్రీకరణ జరుగుతుందని తెలుస్తోంది. దుబాయ్ షెడ్యూల్‌తో ఈ సినిమా 50 శాతం మేర షూటింగ్‌ను పూర్తి చేసుకుంటుందని తెలిసింది. ఇక యూవీ క్రియేషన్స్ బ్యానర్‌పై సుజీత్ దర్శకత్వంలో షూటింగ్‌ను పూర్తి చేసుకున్న ఈ చిత్రంలో శ్రద్ధా కపూర్ హీరోయిన్‌గా నటిస్తోంది.
ఇదిలా ఉంటే.. ప్రభాస్, అనుష్క వెండితెరపై హిట్ పెయిర్. అంత‌కంటే అవుట్ ఆఫ్ స్క్రీన్‌లో మంచి స్నేహితులు. ఈ నేపథ్యంలో ఈ సాహో చిత్రంలో అనుష్క ఓ గెస్ట్ రోల్‌లో క‌నిపించే ఛాన్సుందని సమాచారం. ప్రభాస్ కోస‌మే ఈ అతిథి పాత్ర‌ని స్వీటీ ఒప్పుకుంద‌ని ఫిలిమ్ నగర్ వర్గాల్లో జోరుగా ప్రచారం సాగుతోంది.