ఇటీవలి కాలంలో బాగా పాపులర్ అయిన వ్యక్తుల్లో తమిళ సినీ నేపథ్య గాయని సుచిత్ర ఒకరు. కోలీవుడ్, టాలీవుడ్‌కు చెందిన పలువురు హీరో, హీరోయిన్లకు చెందిన ప్రైవేట్ ఫోటోలు, వీడియోలను సుచీలీక్స్ పేరుతో ట్విట్టర్‌లో
ఇటీవలి కాలంలో బాగా పాపులర్ అయిన వ్యక్తుల్లో తమిళ సినీ నేపథ్య గాయని సుచిత్ర ఒకరు. కోలీవుడ్, టాలీవుడ్‌కు చెందిన పలువురు హీరో, హీరోయిన్లకు చెందిన ప్రైవేట్ ఫోటోలు, వీడియోలను సుచీలీక్స్ పేరుతో ట్విట్టర్‌లో లీక్ చేసింది. సుచీలీక్స్ పేరిట విడుదలైన ఈ ఫొటోలు, వీడియోలు కోలీవుడ్‌లో ప్రకంపనలు సృష్టించాయి. ధనుష్, అనిరుధ్, రానా, ఆండ్రియా, త్రిష, చిన్మయి, హన్సికలాంటి సినీ స్టార్లు సుచిలీక్స్ బాధితులుగా మిగిలిపోయారు.
దీంతో పరిస్థితి చేయిదాటిపోవడంతో సుచిత్ర మానసికపరిస్థితి ఏమాత్రం బాగోలేదని ఆమె భర్త కార్తీక్ ప్రకటించారు. పైగా, చికిత్స కోసం సింగపూర్‌కు వెళుతున్నట్టు సమాచారం అందించాడు. దీంతో ఈ ప్రైవేట్ ఫోటోల లీకేజీకి తాత్కాలికంగా బ్రేక్ పడింది. దీంతో అక్కడికి ఈ వివాదం ముగిసినట్టేనని కోలీవుడ్‌లో అంతా భావించారు. కానీ, ఈ వ్యవహారం మరో మలుపు తిరిగింది.
సింగర్ సుచిత్రను కిడ్నాప్ చేశారన్న వార్తలు కోలీవుడ్‌లో హల్‌చల్ చేస్తున్నాయి. కోలీవుడ్‌లోని కొందరు పెద్దలే ఆమెను కిడ్నాప్ చేశారన్న ప్రచారం సాగుతోంది. పలువురు ప్రముఖుల ప్రైవేట్ ఫోటోలను లీక్ చేయడాన్ని జీర్ణించుకోలేని కొందరు గ్రూప్‌గా ఏర్పడి ఆమెను కిడ్నాప్ చేశారనే వార్త చెన్నై కోడంబాక్కం వర్గాల్లో వైరల్‌గా మారింది. అయితే, ఈ కిడ్నాప్‌కు సంబంధించి పూర్తి వివరాలు తెలియాల్సి ఉంది.