ఇది నిజమా?.. కలయా?.. జూ.ఎన్టీఆర్‌తో శ్రీదేవి... బాబీ దర్శకత్వంలో...
ఎన్టీఆర్ - బాబీ - కళ్యాణ్‌రామ్ కలయికలో తెరకెక్కనున్న చిత్రంలో 'అతిలోక సుందరి' శ్రీదేవి ఓ కీలకపాత్రలో నటిస్తారనే వార్తలు వస్తున్నాయి. వాస్తవానికి 'ఇంగ్లీష్ వింగ్లీష్' చిత్రంతో సెకండ్ ఇన్నింగ్స్ ప్రారంభ
ఎన్టీఆర్ - బాబీ - కళ్యాణ్‌రామ్ కలయికలో తెరకెక్కనున్న చిత్రంలో 'అతిలోక సుందరి' శ్రీదేవి ఓ కీలకపాత్రలో నటిస్తారనే వార్తలు వస్తున్నాయి. వాస్తవానికి 'ఇంగ్లీష్ వింగ్లీష్' చిత్రంతో సెకండ్ ఇన్నింగ్స్ ప్రారంభించిన శ్రీదేవి కొన్నేళ్ల విరామం అనంతరం దక్షిణాదిలో తమిళ చిత్రం "పులి"తో రీఎంట్రీ ఇచ్చిన విషయం తెలిసిందే. ఇపుడు ఎన్టీఆర్‌తో జతకట్టనున్నారనే వార్తలు హల్‌చల్ చేస్తున్నాయి. ఈ వార్త నిజమైతే తెలుగు వెండితెరపై శ్రీదేవి రెండో ఇన్నింగ్స్ మూవీ ఇదే అవుతుంది.
నిజానికి గతంలో దర్శకధీరుడు రాజమౌళి 'బాహుబలి' సినిమా కోసం ప్రాధేయపడినా శ్రీదేవి అంగీకరించని విషయం తెల్సిందే. కానీ ఇప్పుడు ఈ చిత్రంలో క్యారెక్టర్ నచ్చిందంటూ నటించేందుకు సై అన్నారట. అయితే అధికారికంగా ఈ విషయాన్ని ప్రొడక్షన్ హౌస్ ప్రకటించాల్సి ఉందింకా.
కాగా, ఈ చిత్రంలో ఎన్టీఆర్ త్రిపాత్రాభినయం చేయనున్నారు. ఈ చిత్రాన్ని ఎన్టీఆర్ ఆర్ట్స్ పతాకంపై హీరో కల్యాణ్‌రామ్ నిర్మించడానికి సన్నాహాలు చేస్తున్నారు. దీనికి సంబంధించిన పూర్తి వివరాలు వెల్లడి కానున్నాయని చిత్ర వర్గాల సమాచారం.