తమిళ హీరో శింబు ప్రేమలో పడ్డాను.. కానీ మనసులు కలిశాయనుకున్నా.. : హన్సిక

తమిళ హీరో శింబు ప్రేమలో పడిన మాట వాస్తవమేనని హీరోయిన్ హన్సిక చెప్పుకొచ్చింది. ఆ సమయంలో తమ ఇద్దరి మనస్సులు కలిశాయని భావించాననీ, కానీ అదంతా ఒట్టి భ్రమేనని తేలిపోయిందన్నారు.

తమిళ హీరో శింబు ప్రేమలో పడిన మాట వాస్తవమేనని హీరోయిన్ హన్సిక చెప్పుకొచ్చింది. ఆ సమయంలో తమ ఇద్దరి మనస్సులు కలిశాయని భావించాననీ, కానీ అదంతా ఒట్టి భ్రమేనని తేలిపోయిందన్నారు. 

తాజాగా ఆమె ఇంటర్వ్యూలో మాట్లాడుతూ... హీరో శింబుతో లవ్‌లో పడిన మాట వాస్తవమేనని చెప్పింది. అయితే, ఇపుడు ఆ ప్రేమ గురించి ఎంత తక్కువగా మాట్లాడుకుంటే అంత మంచిదని తెలిపింది. అసలు తాము గొడవ కూడా పడలేదని చెప్పింది. అతను ఒక మాట అన్నాడని... దాంతో, తన మనసు విరిగిపోయిందని చెప్పింది. ప్రతిగా తాను కూడా ఒకే ఒక మాట అనేసి, శింబు నుంచి దూరంగా జరిగిపోయానని తెలిపింది.

ఇకపోతే... తామిద్దరూ విడిపోయిన తర్వాత కూడా కలసి సినిమా చేశామని... వ్యక్తిగతంగా, వృత్తి పరంగా శింబుతో తనకు ఎలాంటి ఇబ్బంది  లేదని హన్సిక తెలిపింది. ఇద్దరి మనసులు కలిశాయని తాను భావించానని... అయితే, అదంతా భ్రమే అనే విషయం తేలిపోయిందని, దాంతో తాను పక్కకు జరిగిపోయానని చెప్పింది. వాస్తవానికి అది జరిగిన సమయంలో తనకు అంత మెచ్యూరిటీ కూడా లేదని హన్సిక వివరణ ఇచ్చింది.