లండన్‌లో యంగ్ మ్యుజిషియన్‌తో డేటింగ్ చేస్తున్న శృతిహాసన్...

విశ్వనటుడు కమల్ హాసన్ నట వారసురాలిగా ఆయన ముద్దుల కూతురు శృతి హాసన్ ఎంట్రీ ఇచ్చింది. నటన, సంగీతం, డ్యాన్స్ అన్ని రంగాల్లో తనదైన శైలితో తెలుగు, తమిళ, హిందీ ఇండస్ట్రీలో మంచి పేరు తెచ్చుకుంది.

విశ్వనటుడు కమల్ హాసన్ నట వారసురాలిగా ఆయన ముద్దుల కూతురు శృతి హాసన్ ఎంట్రీ ఇచ్చింది. నటన, సంగీతం, డ్యాన్స్ అన్ని రంగాల్లో తనదైన శైలితో తెలుగు, తమిళ, హిందీ ఇండస్ట్రీలో మంచి పేరు తెచ్చుకుంది. 

టాలీవుడ్‌లో మాత్రం పవన్ కళ్యాణ్ నటించి "గబ్బర్ సింగ్‌"తో ఈ అమ్మడు దశ తిరిగిపోయింది. ఇపుడు మరోమారు పవన్ కళ్యాణ్‌తో 'కాటమరాయుడు' చిత్రంలో జతకట్టనుంది. ఇప్పటికే పవన్‌తో 'గబ్బర్ సింగ్' చిత్రంలో నటించిన శృతి మరోసారి 'కాటమరాయుడు' చిత్రంలో కనిపించి మురిపించబోతుంది. 

తాజాగా ఈ అమ్మడు డేటింగ్‌లో ఉందంటూ సోషల్ మీడియాలో వార్తలు చక్కర్లు కొడుతున్నాయి. ఖాళీ దొరికితే లండన్‌లో శృతి వాలిపోయింది. రీసెంట్‌గా పవన్ కళ్యాణ్‌తో చేస్తున్న 'కాటమరాయుడు' మూవీ షెడ్యూల్ పొల్లాచ్చిలో పూర్తికాగానే లండన్‌కు చేరిపోయింది. అక్కడే ఓ యంగ్ మ్యుజిషియన్‌తో శృతి డేటింగ్ చేస్తోందట. దీనిపై స్పందించిన శృతి మాత్రం అబ్బే అలాంటిది ఏమీ లేదని కొత్త మ్యూజిక్ ఆల్బం కోసమే తరచుగా లండన్ వెళ్తున్నానంటోంది. 

శృతిహాసన్ గాయని కూడా కాడవడంతో న్యూ మ్యూజిక్ ఆల్బం కోసం లండన్ వెళుతున్నానని చెపుతూ డేటింగ్ మ్యాటర్ కవర్ చేస్తోందంటున్నారు. మొత్తానికి ఓ వైపు సినిమాలు తీస్తూ మరోవైపు డేటింగ్ కూడా చాలా సీక్రెట్‌గా మెయింటేన్ చేస్తుందనే పుకార్లు కోలీవుడ్‌లో వినిపిస్తున్నాయి.