తల్లినవుతుండటం చాలా సంతోషంగా ఉందంటున్న సాయి పల్లవి

పెళ్ళి కాకుండా సాయిపల్లవి తల్లవడం ఏంటి.. అందులోను సంతోషపడటం ఏంటి అనుకుంటున్నారా.. ఇదంతా సినిమాలోలేండి.. కరు అనే తమిళ చిత్రంలో నటిస్తున్న సాయిపల్లవి అందులో తల్లి పాత్ర చేస్తోంది. ఆ క్యారెక్టర్ చాలా ప్రాధాన్యమున్నది. అలాంటి క్యారెక్టర్ చేస్తుండటం చాలా

పెళ్ళి కాకుండా సాయిపల్లవి తల్లవడం ఏంటి.. అందులోను సంతోషపడటం ఏంటి అనుకుంటున్నారా.. ఇదంతా సినిమాలోలేండి.. కరు అనే తమిళ చిత్రంలో నటిస్తున్న సాయిపల్లవి అందులో తల్లి పాత్ర చేస్తోంది. ఆ క్యారెక్టర్ చాలా ప్రాధాన్యమున్నది. అలాంటి క్యారెక్టర్ చేస్తుండటం చాలా సంతోషంగా ఉందని అంటోంది. కుటుంబ నేపథ్యంలో సాగే చిత్రంలో తల్లిగా తన పాత్ర అద్భుతంగా ఉంటుందనీ, తమిళ సినిమాలో ఇలాంటి క్యారెక్టర్ మొదటగా చేస్తుండటం తన స్నేహితులకు అస్సలు ఇష్టం లేదని అంటోంది. 

''తక్కువ వయస్సులో తల్లి క్యారెక్టర్ చేస్తే ఆ తరువాత అవకాశాలు రావని చెబుతున్నారు. కానీ అదంతా నేను పట్టించుకోలేదు. నాకు బాగా నచ్చిన క్యారెక్టర్ అది. సినిమా విడుదలైన తరువాత నా స్నేహితులు చూస్తే ఖచ్చితంగా నన్ను మెచ్చుకుంటారన్న నమ్మకం ఉంది'' అంటోంది.

తెలుగులో కంటే తమిళంలోనే అవకాశాలు ఎక్కువగా సాయిపల్లవికి వస్తున్నాయట. ఇప్పటికే ధనుష్‌తో మారి-2 సినిమాలో నటిస్తుండగా, అగ్రహీరో సూర్యతో కూడా మరో సినిమా ఛాన్స్ వచ్చింది. అలాగే మరికొంతమంది యువ నటులతో కూడా నటించే అవకాశం సాయిపల్లవికి వచ్చిందట. దీంతో సాయిపల్లవి కోలీవుడ్‌లో సెటిల్ అయ్యిందని ప్రచారం బాగా జరుగుతోంది. కానీ సాయిపల్లవి మాత్రం నాకు ఏ పరిశ్రమ అయినా ఒకటే. కాకుంటే నాకు నచ్చిన క్యారెక్టర్ ఉంటే ఆ సినిమాలో నటించడానికి సిద్ధంగా ఉన్నానని చెబుతోంది.