లండ‌న్‌లో శ‌స్త్రచికిత్స చేసుకుంటున్న ప్ర‌భాస్‌!

Prabhas

రెబ‌ల్ స్టార్ ప్ర‌భాస్ ప్ర‌స్తుతం ప్రాజెక్ట్ కె. సినిమాలో న‌టిస్తున్నాడు. దానితోపాటు రెండు సినిమాలు లైన్‌లో వున్నాయి. అయితే తాజా స‌మాచారం మేర‌కు ప్ర‌భాస్ ప్ర‌స్తుతం విదేశాల్లో ట్రీట్‌మెంట్ చేసుకుంటున్నాడు. ఇటీవ‌లే రామోజీ ఫిలింసిటీలో ప్రాజెక్ట్ కె. షూటింగ్‌లో అమితాబ్‌, దీపికాప‌దుకొనే, ప్ర‌భాస్‌కు సంబంధించిన కీల‌క స‌న్నివేశాలు చిత్రీక‌రించారు. అనంత‌రం జ‌రిగిన ఓ యాక్ష‌న్ ఎపిసోడ్‌తో ఆయ‌న ఎడ‌మ‌కాలికి తీవ్ర‌గాయ‌మైంద‌ని తెలిసింది.

అందుకే కాలికి చిన్న‌పాటి శ‌స్త్రచికిత్స చేసుకోవాల్సిరావ‌డంతో షూటింగ్ వాయిదా వేశారు. ఈ చిత్రం నెల‌రోజుల‌పాటు షూటింగ్ వాయిదా ప‌డింది. విశేసం ఏమంటే, అశ్వ‌నీద‌త్ నిర్మాణంలో రూపొందిన `సీతా రామం` ప్రీరిలీజ్ వేడుక హైద‌రాబాద్‌లో జ‌ర‌గ‌నుంది. దీనికి ముఖ్య అతిథిగా ప్ర‌భాస్ హాజ‌రుకావాల్సి వుంది. కానీ ప‌బ్లిక్ నుద్దేశించి ప్ర‌భాస్ కాలును దృష్టిలో పెట్టుకుని ఆన్‌లైన్లో ఆయ‌న విషెస్ చెప్పేలా నిర్వాహ‌కులు చ‌ర్య‌లు తీసుకుంటున్నారు. ప్ర‌భాస్ త్వ‌ర‌లో కోలుకుని షూటింగ్‌లో పాల్గొన‌నున్నారు.